17 jastaǵy fýtbolshy alǵash ret «Ertis» quramynda oınady
PAVLODAR. QazAqparat - Pavlodarlyq «Ertis» fýtbol klýbynyń tárbıelenýshisi Arman Keńesov qaraǵandylyq «Shahter» komandasyna qarsy matchta oıyn kórsetti, dep habarlaıdy QazAqparat tilshisi.
«Men buǵan 12 jyl daıyndaldym. Matchtyń óz jerimde, tanys minberde ótkenine qýanamyn. Men alǵashqy qurammen shyǵar kezde qatty tolqydym, ásirese bastapqy 10-15 mınýtta bul qatty baıqalǵan bolýy kerek. Odan keıin ózimdi erkin ustaı bastadym, ony óz betimshe jasaǵan qımyldardan ańǵarýǵa bolady», - dedi Arman Keńesov.
«Pavlodarlyq sport mektebiniń tárbıelenýshisi Arman Keńesov «Ertistiń» negizgi komandasynyń quramynda qaraǵandylyq «Shahterge» qarsy oıyn kórsetti. Jas jartylaı qorǵaýshy bastapqy komandanyń quramynda alǵash ret oınady», - dedi «Ertis» klýbynyń baspasóz qyzmetindegiler.
Bozbalanyń sózinen belgili bolǵandaı, ol bapkerler shtabyna berilgen múmkindik úshin alǵysyn bildiredi.
«Bul - erekshe sezim. Men buny jattyǵýlarda ján-tánimmen daıyndalǵanym úshin berilgen syı dep túsinemin. Bapkerlerge osyndaı múmkindik úshin rahmet aıtamyn. Bul sońǵy oıyn bolmaıdy dep úmittenem. Oıyn jaıly aıtar bolsam, ony kóp jaǵdaıda biz basqardyq», - dedi A. Keńesov.
