17 jastaǵy almatylyq Lıýbov Andreeva «Formýla» jarystaryna qatysatyn bolady
ALMATY. QazAqparat- Qazaqstan tarıhynda tuńǵysh ret 17 jastaǵy almatylyq Lıýbov Andreeva 2015 jyldan bastap, «Astana» Prezıdenttik kásipqoı sport klýbynyń quramynda «Formýla-3» jarystaryna qatysatyn bolady. Bul týraly búgin Almatyda ótken baspasóz máslıhatynda Astana Motorsports komandasynyń kóshbasshysy, «Dakar-2012» jarysynyń qola júldegeri Artýr Ardavıchýs málimdedi.
«Astana» Prezıdenttik kásipqoı sport klýby aldaǵy 2015 jyldan bastap, klýb quramyna jańa kategorııany engizýdi uıǵardy. Ol - «Formýla» shapshań jarys kategorııasy. Bul kategorııada eń úzdik qazaqstandyq jarysýshy - 17 jastaǵy Lıýbov Andreeva» - dedi óz sózinde A. Ardavıchýs.
Ol sonymen qatar, Andreevanyń Qazaqstanda kartıng boıynsha ótkiziletin jarystardyń barlyq kezeńderinde jeńiske jetkendigin jetkizdi
«Bizdiń saraptama boıyna, ol búgingi tańda Qazaqstan boıynsha eń úzdik ushqysh jáne álemdik sport arenalarynda el namysyn qorǵaýǵa laıyqty sportshy» - dep sózin aıaqtady Artýr Ardavıchýs.
Aıta ketelik, «Formýla-3» jarysy ataqty «Formýla-1» jarystarynyń eń tómengi serııasy.
