17 jastaǵy aqmolalyqtar áskerı esepke alynýda

KÓKShETAÝ. QazAqparat - Aqmola oblysynda 17-ge tolǵan jastardy áskerı esepke alý naýqany bastaldy. Bul týraly Óńirlik kommýnıkatsııalar qyzmetinen málim etti, dep habarlaıdy QazAqparat tilshisi.

Vedomstvonyń deregi boıynsha, Qazaqstanda 2019 jyldyń qańtarynan bastap 2002 jyly týǵan 4 myńnan astam azamatty áskerı esepke alý josparlanǵan.

Jastary 17-ge tolǵan uldar jyl saıyn qańtar-naýryz aılary aralyǵynda jergilikti áskerı komıssarıattarǵa kelip, tirkelip otyrady.

Tirkelý sharalary jergilikti atqarýshy organdarmen jəne jergilikti áskerı basqarý organdarymen júzege asyrylady. Naýqan barysynda áskerge shaqyrýshylardyń sany, olardyń jaramdylyq deńgeıi, dene daıarlyǵy men bilimi anyqtalady.

Áskerı esepke tirkeýge shaqyrylǵan azamattarǵa eki kún buryn shaqyrý qaǵazy beriledi. Onda kórsetilgen qujattarmen áskerı komıssarıatqa ýaqytyly barý qajet. Tirkeý sharalarynyń qorytyndysy boıynsha tirkeý kýəligi beriledi.

Aıta ketý kerek, tirkeý kezinde jastardyń QR Qorǵanys mınıstrliginiń, joǵary oqý oryndaryna oqýǵa túsýi jəne kelisimshart boıynsha əskerı qyzmettiń perspektıvalary týraly aqparattyq-túsindirý jumystary júrgiziledi.