17 jastaǵy Zańǵar Nurlanuly eresekter arasynda alǵashqy jeńisine qol jetkizdi

ASTANA. KAZINFORM — Qazaqstandyq tennısshi, 17 jastaǵy Zańǵar Nurlanuly Sharm-el-Sheıh (Mysyr) ITF M15 týrnırin sátti bastady.

Qazaqstandyq tennısshi alǵashqy aınalymda Belarýs ókili, 18 jastaǵy Rýslan Katsýkevıchti 7:5, 6:3 esebimen utty.

Osylaısha, Zańǵar eresekter arasynda alǵashqy jeńisine qol jetkizdi. Endi ol ATP reıtıngisinde bastapqy upaıyna ıe bolady.

Zańǵar Nurlanuly shırek fınalǵa shyǵý úshin álemniń 811-inshi, osy jarystyń tórtinshi raketkasy, taılandtyq Vıshaııa Trongcharoenchaıkýlmen talasady.

Osyǵan deıin Z.Nurlanuly tek jasóspirimder arasynda óner kórsetken edi. Ol bıyl jasóspirimder arasynda jekeleı synda AQSh ashyq chempıonatynyń jartylaı fınalyna deıin jetti.

Taǵy bir qazaqstandyq, ATP reıtıngisinde 1115-oryndaǵy 18 jastaǵy Ámir Omarhanov Monastır (Týnıs) ITF M15 týrnıriniń ekinshi aınalymyna shyqty. Ol alǵashqy kezdesýinde týnıstik Mahmýd Shetýannyń mysyn basty – 6:1, 6:3.

Ámir ekinshi aınalymda álemniń 634-raketkasy, reseılik Igor Kýdrıashovpen sheberlik baıqasady.

Eske sala keteıik, budan buryn Aleksandr Býblıktiń rekordtyq kólemde tabys tapqanyn jazǵan edik.

Sondaı-aq Elena Rybakına alǵash ret Álemdik tennıs lıgasynda oınaıdy.