17 jastaǵy tennısshi Sonıa Jıenbaeva Ispanııadaǵy jarystyń jeńimpazy atandy
ASTANA. KAZINFORM — 17 jastaǵy qazaqstandyq tennısshi Sonıa Jıenbaeva Ispanııanyń Vılena qalasynda jasóspirimder arasynda ótken ITF Juniors J300 týrnıriniń chempıony atandy.
Jasóspirimder arasynda álemdik reıtıngide 47-orynda turǵan S.Jıenbaeva fınalda jarystyń 1-raketkasy, belgııalyq Jýlen Vandromeni (33 ITF Juniors) 7:5, 6:0 esebimen utty.
Bul Sonıanyń jekeleı synda ITF Juniors dodalaryndaǵy jetinshi tıtýly edi.
«Match qıyn boldy. Jeńiske jetkenime óte qýanyshtymyn. Belgııalyq qarsylasym topyraq tósenishinde jaqsy oınaıtyndyqtan, bar sheberligimdi salyp, úzdik óner kórsetýge tyrystym. Bári sátti bolyp, bıylǵy jyldaǵy alǵashqy chempıondyq ataqqa qol jetkizdim. Óz komandamdy, Bolat Ótemuratov bastaǵan Qazaqstan tennıs federatsııasyn meni qoldap, senim artqany úshin alǵysymdy bildiremin», - dedi Sonıa Jıenbaeva.
Eske sala keteıik, budan buryn Maıamı týrnırinde ıÝlııa Pýtıntsevanyń tórtinshi aınalymǵa joldama alǵanyn jazǵan bolatynbyz.
