17 jastaǵy qazaqstandyq sadaqshy 2023 jylǵy Azııa chempıony atandy
Sadaq atýdan Qazaqstan ulttyq quramasynyń múshesi Andreı Tıýtıýn Bangkok qalasynda (Taıland) ótken Azııa chempıonatynda altyn medal jeńip aldy. Kazinform agenttigi bul týraly Sports.kz portalyna silteme jasap habarlaıdy.
Aqmola oblysynyń 17 jasar sadaqshysy aqtyq jarysta Ońtústik Koreıa sportshysy Kım Djonhodan basym tústi. Olar qurama sadaq atý baǵdarlamasy boıynsha saıysqa túsip, jeńis qazaqstandyq sportshyǵa buıyrdy (146:144). Andreı aýa-raıynyń qolaısyzdyǵyna qaramastan dál kózdep, Azııa chempıonatynyń altyn júldesin jeńip aldy.
9 qarashada qazaqstandyq sadaqshylar taǵy eki fınalda óner kórsetti. Bul dodada Vıktorııa Lıannyń qola júlde alýǵa múmkindigi boldy. Biraq, ókinishke qaraı, medaldi Taıpeıden kelgen qarsylasy Hýang Aı-ıÝ jeńip aldy.
Komandalyq sadaq atýdan Qazaqstan erler quramasy jarysta Ońtústik Koreıa quramasynan jeńilip, kúmis medalǵa ıe boldy.
Erler komandasy klassıkalyq sadaq atýdan da ekinshi oryndy ıelendi. Bul jarysta da Ońtústik Koreıanyń sadaqshylary taǵy úzdik boldy.
