17 jastaǵy qazaqstandyq Dior kórsetilimine qatysyp, IMG Models-pen kelisim jasady
ASTANA. KAZINFORM — 17 jastaǵy Seıdolla Tórejan Parıjdegi erler sán aptalyǵyna qatysyp, ańyzǵa aınalǵan Dior brendiniń atynan podıýmǵa shyqty.
Bul týraly Astana qalasynyń Ortalyq shahmat klýby áleýmettik jelidegi paraqshasynda habarlady. Belgili bolǵandaı, Seıdolla Tórejan atalǵan klýbtyń shahmatshysy eken. Qazir ol álemdegi eń iri modeldik agenttikterdiń biri — IMG Models Seıdollamen kelisimshart jasasqan.
— Bizdiń oqýshymyz — 17 jastaǵy Seıdolla Tórejan Parıjdegi erler sán aptalyǵyna qatysyp, ańyzǵa aınalǵan Dior brendiniń atynan podıýmǵa shyqty. Sonymen qatar, álemdegi eń iri modeldik agenttikterdiń biri — IMG Models Seıdollamen kelisimshartqa otyrdy. Modeldik ındýstrııadaǵy jetistikterine qaramastan, Torejan shahmatty umytqan joq: qańtar aıynda ol úshinshi razrıadty, al aqpanda — ekinshi razrıadty oryndady. Bos ýaqyt tabyla salysymen, ol shahmat taqtasyna qaıta otyrýdy josparlap otyr. Tórejandy jáne onyń ata-anasyn shyn júrekten quttyqtaımyz! Modeldik mansabynda bıik belester men shahmatta jarqyn jeńister tileımiz! — delingen Ortalyq shahmat klýbynyń habarlamasynda.
Buǵan deıin XXXIV Halyqaralyq «Vıtebsk-2025» estradalyq án oryndaýshylary baıqaýynda Gran-prı júldesi qazaqstandyq Almagúl Battalıevaǵa buıyrǵanyn jazǵanbyz.