17 jastaǵy Damır Jalǵasbaı alǵash ret eresekter arasyndaǵy týrnırde top jardy

ASTANA. KAZINFORM — Qazaqstandyq tennısshi, 17 jastaǵy Damır Jalǵasbaı juptyq synda Hatıva (Ispanııa) ITF M15 týrnırinde jeńimpaz atandy.

Damır latvııalyq Artýrs Zagarspen birge barlyq kezdesýin jeńispen aıaqtady.
Fınalda Jalǵasbaı — Zagars shveıtsarııalyq Adrıen Býrde — meksıkalyq Alan Saý Frankomen bas júldeni sarapqa saldy.

Qazaqstandyq-latvııalyq jup 6:2, 6:1 esebimen aıqyn basymdylyq tanytty.
Osylaısha, Damır Jalǵasbaı sporttyq jolynda eresekter arasyndaǵy alǵashqy tıtýlyna qol jetkizdi.

Eske sala keteıik, budan buryn kortqa qaıta oralǵan 40 jastaǵy Galına Voskoboevanyń bastapqy jeńisine qol jetkizgenin jazǵan bolatynbyz. 

Galına Voskoboeva reseılik Kamılla Rahımovamen birge Monreal (Kanada) WTA 1000 týrnıriniń ekinshi aınalymynda amerıkalyqtar Sofıa Kenın — Kerolaın Doýlhaıdqa 3:6, 4:6 esebimen ese jiberdi. Sóıtip shırek fınaldan tys qaldy.