17 jastaǵy Ámir Omarhanov Italııadaǵy týrnırdiń fınalynda óner kórsetedi

ASTANA. KAZINFORM – Qazaqstandyq tennısshi, 17 jastaǵy Ámir Omarhanov juptyq synda Redjıo Emılııa (Italııa) ITF M25 týrnıriniń fınalyna joldama aldy.

Jas tennısshi ıtalııalyq Aleksandr Bındamen birge úsh kezdesýin sátti ótkizdi.

Aldymen 1/8 fınalda kort ıeleri Stefano D’Agostıno – Mıkele Rıbechaıdy úsh setke sozylǵan kezdesýde utty – 6:1, 3:6, 10:4.

Omarhanov – Bında shırek fınalda ıtalııalyqtar Lorentso Bokkı -Alessıo De Bernandısti joldan taıdyrdy — 6:3, 6:3.

Jartylaı fınalda Ámir men Aleksandrǵa ıtalııalyq Federıko ıAnnakkone men ýkraınalyq Georgıı Kravchenko da qarsy tura almady. Bul oıyn 6:3, 6:3 esebimen aıaqtaldy. Báseke 1 saǵat 16 mınýtqa sozyldy. 

Ámir Omarhanov pen Aleksandr Bındanyń fınaldaǵy qarsylastary keıin belgili bolady.

Qazaqstandyq Jibek Qulambaeva ıtalııalyq Nıkol Fossa-Ýergomen birge Parma (Italııa) chellendjer jarysynyń fınalyna bir qadam jetpeı toqtady. Olar 1 saǵat 48 mınýtqa sozylǵan tartysty matchta chehııalyqtar Djessıka Malechkova – Mırıam Shohqa jol berdi – 4:6, 6:3, 9:11.

Qazaqstannyń ekinshi, álemniń 97-raketkasy Aleksandr Shevchenko Bordo (Frantsııa) chellendjer dodasynyń shırek fınalynda reıtıngide 36-oryndaǵy frantsııalyq Djovannı Mpetchı Perrıkarǵa ese jiberdi – 5:7, 5:7.

Eske sala keteıik, budan buryn Zarına Dııastyń Japonııadaǵy jarystń jartylaı fınalyna ótkenin jazǵan edik.