17 jastaǵy Ámir Omarhanov álemdik reıtıngide birden 32 satyǵa joǵarylady

ASTANA. KAZINFORM — Kásibı tennısshiler qaýymdastyǵynyń (ATR) jańartylǵan reıtıngisinde qazaqstandyq sportshylardyń orny anyqtaldy.

Qazaqstannyń birinshi raketkasy, Madrıd masters týrnıriniń tórtinshi aınalymyna deıin jetkenine qaramastan, Aleksandr Býblık 75-ten 76-ǵa, Aleksandr Shevchenko 92-den 97-ge syrǵydy. 

Sondaı-aq Dmıtrıı Popko 155-ten 163-ke, Mıhaıl Kýkýshkın 162-den 165-ke, Tımofeı Skatov 172-den 181-ge, Beıbit Juqaev 208-den 220-ǵa tómendedi. 

Esesine Denıs Evseev 258-den 257-ge aýysty. 

Ótken aptada Shymkent ITF týrnırinde sátti óner kórsetken 17 jastaǵy Ámir Omarhanov birden 32 satyǵa joǵarylap, 988-den 956-orynǵa jaıǵasty. 

Juptyq synda Aleksandr Nedovesov 109-dan 121-ge tússe, A.Býblık 129-dan 127-ge shyqty. 
Eske sala keteıik, budan buryn Elena Rybakınanyń álemdik reıtıngide 12-orynǵa syrǵyǵanyn jazǵan edik.