17 jasar zaǵıp boıjetken Tehasta ótken syryqpen sekirý jarysynda qola júlde jeńip aldy
ASTANA. QazAqparat - 17 jasar zaǵıp boıjetken Sharlotta Braýn Tehas shtatynda mektepter arasynda ótken jarysta syryqpen 3,5 metr bıiktikke sekirip, qola júldeni jeńip aldy, dep habarlaıdy Bı-bı-sı.
Jeńimpazdar tuǵyrynda jas sportshynyń janynda onyń jetekteýshi ıti Veıdor turdy.
Sharlotta Braýn dúnıege kelgende, kórý qabileti jaqsy bolǵan, biraq ýaqyt óte kele, nasharlaı bastady. Qazirgi kezde boıjetkenniń kózderi jaryqty kóleńkeden ajyra alatyndaı ǵana kórip otyr. Buǵan deıin Braýn eger barlyǵyn kóre alsa, ol úshin sekirýdi oryndaý ózine tym qorqynyshty ekendigin aıtqan edi.
«Ózimdi jerden 3,5 metr bıiktikte kórsem, qandaı sezimde bolatynymdy bilmeımin», - deıdi ol.
Sekirý úshin Braýn sol jaq aıaǵymen jeti qadam sanap, qurylǵyda ornatylǵan arnaıy dybys belgisin kútedi.
