17 jasar qostanaılyq úshem týdy
QOSTANAI. QazAqparat - Balalardy qorǵaý kúni Qostanaı oblystyq aýrýhanasynyń birinshi bólimshesinde 17 jastaǵy Lısakov qalasynyń turǵyny úshemdi dúnıege ákeldi, dep habarlaıdy QazAqparat.
Jas ana Irına Lysak birden eki qyz jáne ul balany ómirge ákeldi.Sábılerdiń salmaǵy, tıisinshe 1470, 1548 jáne 2180 keli. Buǵan deıin Irına Lısakov qalasynan Qostanaıǵa shuǵyl túrde jiberilgen bolatyn. Endi nemerelerin úıinde ájeleri men ákesi kútip otyr.
"Bastapqyda mundaı jańalyqqa tańǵaldym. Qobaljý da boldy. Ásirese, Lısakov qalasynan oblys ortalyǵyna shuǵyl jiberilgende jubaıymnyń jáne balalardyń densaýlyǵyna alańdaǵanym ras",- deıdi úshemniń ákesi Vıacheslav Lysak. Oblystyq densaýlyq saqtaý basqarmasynan habarlaǵandaı, jańa týǵan nárestelerdiń jaǵdaıy birqalypty." Sábıler anasymen arnaıy palatada jatyr. Ana sútimen qorektenedi. Anasy kásibı tehnıkalyq ýchılışede aspaz mamandyǵynda oqıdy",-dep málim etti oblystyq densaýlyq saqtaý basqarmasynyń baspasóz qyzmeti.
