17 tamyzdan keıin de jabyq bolatyn nysan qyzmetkerlerine 42500 teńge berile me

NUR-SULTAN. QazAqparat – 17 tamyzdan keıin qyzmetine ruqsat berilmeıtin nysan qyzmetkerlerine óteamqy tóleý usynysy engiziledi. Bul týraly búgin Ortalyq kommýnıkatsııalar qyzmetinde ótken onlaın-brıfıngte «Atameken» Ulttyq kásipkerler palatasy basqarma tóraǵasynyń birinshi orynbasary Eldar Jumaǵazıev aıtty, dep habarlaıdy QazAqparat tilshisi.

Brıfıngide: «17 tamyzdan bastap jumysyn bastamaıtyn kásirkerlerge 42 500 teńgeden tólene me?», - degen suraq qoıyldy.

«Jumystaryn bastaýǵa ruqsat berilmegen qyzmet túrleri de bar. Olarǵa qatysty usynystarymyzdy daıyndap jatyrmyz. Mysaly, saparjaıda 74 adam jumyssyz otyrýǵa májbúr. Bul, bıýdjet múmkindigine qatysty suraq deýge bolady. Pandemııa kezinde biz ótemaqy tóleý týraly bastama kóterdik. Birinshi aıda ótemaqy tólendi, odan keıin karantın ýaqyty taǵy sozyldy. Endi, osy máselege qatysty QR Ekonomıka mınıstrligimen birigip usynys ázirleımiz», - dedi Eldar Jumaǵazıev.

Onyń aıtýynsha, 17 tamyzdan keıin qyzmetine shekteý qoıylǵan bıznes nysandarynyń qatary azaıady.

«Saýda ortalyqtary men úlken bazarlarǵa qatysty táýekel kóp. Ol jerde saqtyq sharalary qalaı saqtalady, ony qalaı retteý kerek - bul jaǵy úlken suraq. Jumysy toqtap turǵan kásipkerlerge ótemaqy berilýin qoldaımyz. Qazirgi ýaqytta salyq tóleýdi, nesıe tóleýdi shegerýge qatysty suraqtardy qarastyryp jatyrmyz», - dedi ol.

Aıta keteıik, 13 tamyz kúni QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda Karantın sharalaryn kezeń-kezeńimen alyp tastaý jospary qaraldy.