17 tamyzdan keıin de demalys kúnderi karantın qatań saqtalady – mınıstrlik
«Іndettiń taralý ósimi toqtady jáne medıtsına mamandarynyń júktemesi azaıdy. Osyny negizge ala otyryp elimizde karantındik sharalaryn birtindep jeńildetýge sheshim qabyldandy. Sonymen, 2020 jylǵy 17 tamyzynan bastap barlyq óńirde saýda oıyn-saýyq ortalyqtary, saýda jelileri, jabyq bazarlar, sulýlyq salondary, shashtaraz, SPA ortalyqtar, kosmetologııalyq qyzmet kórsetetin kásipkerlik sýbektileriniń qyzmeti jandanady», - dep atap ótedi vedomstvo Telegram paraqshasynda jarııalanǵan aqparatynda .
Mınıstrlik málimetinshe, sonymen qatar, basseıni joq fıtnes ortalyqtar, basseıni joq monshalar men saýnalar, bilim berý ortalyqtary, mektepke deıingi balalar mekemeleriniń kezekshi toptary, ashyq aýadaǵy attraktsıondar jumysyn bastaıdy. Eskeretin jaıt, atalǵan sýbektiler meılinshe jartylaı qýattylyqpen jumys istegeni durys. Tutynýshylardy toptap qabyldaýǵa bolmaıdy.
Sonymen qatar, jumys berýshiler úshin qyzmetkerlerdiń 80 paıyz qashyqtan eńbek etý erejesin saqtaýy usynylady.
«Jumys kúnderi karantındik sharalar jeńildegenmen, demalys kúnderi karantın tártibi qatań saqtalady. 65 jastan asqan azamattardyń kóshege shyǵýy shekteledi. Qoǵamdyq kólikterdiń qozǵalysy toqtaıdy jáne demalys kúnderi jumysqa barýǵa tyıym salynady. Senbi-jeksenbide tek azyq-túlik dúkenderi men dárihanalardyń jumysyna ruqsat etiledi»,- dep atap ótedi Densaýlyq saqtaý mınıstrliginen.
Eske salsaq, búgin QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda qalyptasqan epıdemıologııalyq jaǵdaıdy eskere otyryp, karantın sharalaryn kezeń-kezeńimen alyp tastaý jospary qaraldy.
Sonymen qatar, 17 tamyzdan keıin qandaı shekteýler saqtalatyndyǵy týraly aıtyldy.
- Jáne osy kúnnen bastap barlyq óńirde shashtaraz ben monsha