17 tamyzda Jerge jaqyn qashyqtyqtan qaýipti asteroıd ushyp ótedi
ASTANA. KAZINFORM — 2025 PM dep atalatyn dıametri 50 metrlik asteroıd 17 tamyzda Jerge shamamen 384 myń shaqyrym qashyqtyqqa jaqyndaıdy. Bul týraly Reseıdiń Kún astronomııasy zerthanasy (XRAS) habarlady.
Jerge 1 mıllıon kılometrden az qashyqtyqta jaqyndaǵan asteroıdtardyń ishinde 2025 PM eń úlkenderiniń biri. Kelesi uqsas jaǵdaı qyrkúıek aıynda bolady dep kútilýde.
2025 jyldyń 1 tamyzynda ashylǵan bul asteroıd Jer orbıtasyn kesip ótetin «Apollon» tobyna kiredi. Onyń Kúndi aınalyp ótý kezeńi eki jyldan sál asady.
Boljamdarǵa sáıkes, nysan kometa belgilerine ıe emes úlken tasty dene bolýy múmkin.
Asteroıdtyń Jerdiń janynan ótýi 17 tamyzda Astana ýaqytymen 14:03–te bolady. Onyń traektorııasy basqa ǵarysh obektisimen soqtyǵysqanda ǵana ózgerýi múmkin. Degenmen, munyń yqtımaldyǵy óte tómen. Onyń orbıtasyn naqtylaý úshin baqylaýlar jalǵasyp jatyr.
Eske sala keteıik, Jerde 8 tamyzda eń kúshti magnıttik daýyl bolatyny jaıly jazǵan edik.