17 shilde. Kazinform kúntizbesi. Tulǵalar týǵan kún

ESІMDER

58 jyl buryn (1968) Qazaqstan Respýblıkasy Úkimet basshysy apparatynyń kadr jumysy bóliminiń meńgerýshisi Amangúl Qumarbekqyzy YBYRAEVA dúnıege keldi.

Semeı oblysynda týǵan. 1990 jyly Almaty arhıtektýralyq-qurylys ınstıtýtyn «ınjener-qurylysshy-tehnolog» mamandyǵy boıynsha aıaqtaǵan, Qazaqstan Respýblıkasy Prezıdenti janyndaǵy MBA-synda, Frantsııanyń Ulttyq Memlekettik basqarý mektebinde (ENA), Duke University (SShA) qaıta daıarlaý jáne biliktiligin arttyrý kýrstarynda ótken.

Eńbek jolyn 1990 jyly «Kazgıproagropromstroıındýstrııa» MQK tehnologııalyq bólimniń ınjeneri qyzmetinen bastaǵan. 1992-1994 jyldary Almaty qalalyq ákimshiliginde qyzmet atqardy. 1994-1998 jyldary QR Mınıstrler Kabınetiniń ınspektory, joǵary jáne ortalyq atqarýshy organdardy Aqmola qalasyna kóshirý boıynsha Memlekettik komıssııanyń referenti, aǵa referenti, 1998-2010 jyldary QR Premer-Mınıstri Keńsesiniń aǵa referenti, konsýltanti, sektor meńgerýshisi; 2010-2019 jj. – Qazaqstan Respýblıkasy Premer-mınıstri keńsesiniń Memlekettik qyzmet jáne kadr jumysy bólimi meńgerýshisiniń orynbasary, Qarjy-sharýashylyq jáne kadr jumysy bólimi meńgerýshisiniń orynbasary, basshylyq hatshylyǵynyń meńgerýshisi, 2019-2023 jyldary QR Premer-mınıstri keńsesi Kadr jumysy bóliminiń meńgerýshisi laýazymyn atqarǵan.

Qazirgi qyzmetin 2023 jylǵy aqpannan bastap atqaryp keledi.

57 jyl buryn (1969) Qazaqstan baspasóz klýbynyń prezıdenti Ásel Ádilqyzy QARAÝYLOVA dúnıege keldi.

IPRA (Halyqaralyq jurtshylyqpen baılanys qaýymdastyǵy) múshesi, PR klýbyn uıymdastyrýshylardyń biri, Qazaqstan Respýblıkasy Jýrnalıstıka akademııasynyń akademıgi.

Almaty qalasynda týǵan. Qazaq memlekettik ýnıversıtetin, Qazaqstan menedjment, ekonomıka jáne boljaý ınstıtýtyn, AQSh-tyń Mıssýrı-Kolýmbııa ýnıversıtetin bitirgen. «Lenınskaıa smena» gazetiniń shtattan tys tilshisi bolǵan. 1994-1995 jyldary – USAID menedjeri.

Qazirgi qyzmetin 1995 jyldan bastap atqaryp keledi.

Sonymen qatar QR Prezıdenti janyndaǵy Shetel ınvestorlary keńesi syrtqy ımıdj boıynsha tobynyń múshesi, PR naryǵy problemalary boıynsha maqalalardyń turaqty avtory, jetekshi bıznes mektepterdiń oqytýshysy.

53 jyl buryn (1973) Túrki memleketteri uıymy janyndaǵy Túrki kásipker áıelderi keńesiniń tóraǵasy Lázzat Kerimqulqyzy RAMAZANOVA dúnıege keldi.

Ońtústik Qazaqstan oblysynda týǵan. Almaty qalasyndaǵy Qazaq memlekettik álem tilderi ýnıversıtetin (1995), Astana qalasyndaǵy Qazaq memlekettik zań akademııasyn bitirgen (2001).

Eńbek jolyn 1994-1995 jyldary bank júıesinde qyzmetker bolyp bastaǵan. 1995-1998 jyldary Qazaqstan respýblıkasynyń Maındaǵy Frankfýrt q. Bas konsýldyǵy jumys istegen. 1998-1999 jyldary QR SІM baspasóz-attashesi, Ákimshilik jáne baqylaý departamentiniń attashesi boldy. 1999-2002 jyldary QR Qarjy mınıstriniń hatshylyǵynda istedi. 2002-2003 jyldary QR EBJM Halyqaralyq qarjy qatynastary departamentiniń bólim bastyǵy, 2003-2005 jyldary «Dala group» JShS Bas dırektory, 2006-2007 jyldary QR Qarjy mınıstrligi apparatynyń basshysy, 2007-2008 jyldary QR Qarjy mınıstrligi Dármensiz boryshkerlermen jumys jónindegi komıteti tóraǵasynyń orynbasary, 2008-2009 jyldary QR QM Qarjylyq baqylaý komıteti Almaty oblysy boıynsha Qarjy baqylaý ınspektsııasy bastyǵynyń orynbasary, 2011-2013 jyldary QR QM Qorǵanys, quqyq qorǵaý júıesi jáne memlekettik organdar salasyndaǵy bıýdjettik baǵdarlamalardyń oryndalýyn taldaý, iske asyrylýyn baǵalaý jáne josparlaý departamentiniń dırektory, 2019-2020 jyldary «Atameken» QR UKP basqarma tóraǵasynyń orynbasary, 2020-2021 jyldary QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy. 2021-2023 jyldary QR Parlamenti Májilisiniń VII shaqyrylym depýtaty, Áleýmettik-mádenı damý komıtetiniń múshesi boldy. QR Ulttyq ekonomıka mınıstriniń keńesshisi laýazymyn atqarǵan.

«Qazaqstan Respýblıkasynyń Táýelsizdigine 20 jyl», «Qazaqstan halqy Assambleıasyna 25 jyl», «Eren eńbegi úshin» medaldarimen marapattalǵan.

46 jyl buryn (1980) «Atameken» UKP janyndaǵy Áıelder kásipkerligi komıtetiniń basshysy Láılá Eskendirqyzy KÚLENOVA dúnıege keldi.

Ol Astana qalasynda týǵan. E.Bóketov atyndaǵy Qaraǵandy memlekettik ýnıversıtetin, Máskeý qalalyq pedagogıkalyq ýnıversıtetin bitirgen.

Eńbek joly: 2005 jyly «Aınalaıyn» balabaqshasy «Mertsana-Astana» JShS quryltaıshysy, 2012 jyly Qazaqstan úzdiksiz bilim berý qaýymdastyǵynyń tóraǵasy.

2025 jyldyń maýsym aıynan beri qazirgi qyzmetinde.

45 jyl buryn (1981) Qazaqstan Respýblıkasy Prezıdenti Ákimshiliginiń memlekettik ınspektory Rústem Jomartuly QURMANOV dúnıege keldi.

SQO Ǵabıt Músirepov atyndaǵy aýdannyń týmasy. Sh. Ýálıhanov atyndaǵy Kókshetaý memlekettik ýnıversıtetin «Agroónerkásip keshen salalaryndaǵy ekonomıst-menedjer» mamandyǵy boıynsha 2003 jyly úzdik támamdady. 2007 jyly Sh. Ýálıhanov atyndaǵy Kókshetaý memlekettik ýnıversıteti «Ekonomıka jáne halyq sharýashylyǵyn (aýyl sharýashylyǵyn) basqarý» mamandyǵy boıynsha aspırantýrasyn bitirdi. Ekonomıka ǵylymdarynyń kandıdaty.

2003-2005 jyldary Aýyl sharýashylyǵy mınıstrligi Aqmola oblystyq aýmaqtyq basqarmasynyń ekonomıkalyq taldaý bóliminiń jetekshi, bas mamany bolyp eńbek etti. 2005-2009 jyldary Aýyl sharýashylyǵy mınıstrligi Memlekettik ınspektsııa komıtetiniń Aqmola oblystyq aýmaqtyq ınspektsııasynyń ekonomıkalyq taldaý bóliminiń, memlekettik satyp alý jáne ekonomıkalyq taldaý bóliminiń bastyǵy boldy. 2009-2011 jyldary Aýyl sharýashylyǵy mınıstrliginiń Qaıta óńdeý ónerkásibi jáne agroazyq-túlik naryqtaryn damytý departamentiniń basqarma bastyǵy laýazymyn atqarǵan. 2011-2013 jyldary Aýyl sharýashylyǵy mınıstrligi Investıtsııalyq saıasat departamentiniń dırektory bolyp eńbek etti. 2013-2015 jyldary «A» korpýsynyń kadr rezervinen Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń tóraǵasy, 2015-2016 jyldary Ulttyq kásipkerler palatasy Agroónerkásip kesheni komıteti hatshylyǵynyń basshysy, 2016-2017 jyldary «Atameken» agroónerkásip kesheni jáne tamaq ónerkásibi departamentiniń basqarýshy dırektory bolyp qyzmet atqardy, 2017 jyly QR Aýyl sharýashylyǵy mınıstri keńesshisiniń mindetin atqardy, QR Aýyl sharýashylyǵy mınıstriniń keńesshisi, 2017-2018 jyldary QR Aýyl sharýashylyǵy vıtse-mınıstri, 2018-2019 jyldary «QazAgro» holdıngi basqarmasynyń tóraǵasy boldy. 2019-2023 jyldary QR Aýyl sharýashylyǵy vıtse-mınıstri, 2023-2025 jyldary Soltústik Qazaqstan oblysy ákiminiń orynbasary laýazymyn atqarǵan.

Qazirgi qyzmetin 2025 jyldyń tamyzynan beri atqaryp keledi.

«Qurmet» ordenimen marapattalǵan.

120 jyl buryn (1906-1983) kompozıtor, pedagog, Qazaq KSR-iniń halyq ártisi, Qazaq KSR Memlekettik syılyǵynyń laýreaty, qazaq halyq mýzykasyn jınaqtaýshy Latıf Abdýlhaıuly HAMIDI dúnıege keldi.

Tashkent halyq aǵartý ınstıtýtyn, Máskeýdiń birinshi mýzykalyq tehnıkýmyn, Máskeý konservatorııasy janyndaǵy tatar opera stýdııasyn bitirgen.

Qazaqtyń halyq aspaptar orkestriniń dırıjeri bolyp, Qazaqtyń Petr Chaıkovskıı atyndaǵy mýzykalyq ýchılışesinde, Qazaq konservatorııasynda ustazdyq etken. Kompozıtordyń Uly Otan soǵysy jyldary jazǵan «Attanyńdar maıdanǵa», «8-gvardııa dıvızııasynyń áni», «Batyr qyz», «Núrken» ánderi tyńdarmanyn qaharmandyq sezimge bóledi. Ol qazaq mýzykasyna tuńǵysh vals janryn engizip, «Qazaq valsi», «Bulbul» ánderin shyǵarǵan. Sondaı-aq onyń ásem áýenimen erekshelenetin valsteri, horlary, sımfonııalyq orkestr, halyq aspaptar orkestri úshin kameralyq-aspaptyq shyǵarmalary, qoıylymdar men kınofılmderge arnalǵan mýzykalary bar. Kompozıtor qazaqtyń opera ónerin órkendetýge de úlken úles qosyp, «Abaı», «Tólegen Toqtarov», «Jambyl» operalaryn, «Jambyl men Aıkúmis» mýzykalyq pesasyn, «Balbulaq» operettasyn jazdy. Sonymen qatar «Dombyra úırený mektebi» (B. Ǵızatovpen birge), «Dırıjerlik etýdiń negizderi» (H. Tastanovpen birge), t.b. zertteý eńbekteri bar.

3 márte Eńbek Qyzyl Tý ordenimen, medaldarmen marapattalǵan.

79 jyl buryn (1947-2017) sýretshi, músinshi Baqytjan Álimbaıuly ÁBІShEV dúnıege keldi.

Aqtóbe qalasynda týǵan. Almaty orta mektebiniń 10 jyldyq synybyn jáne Almaty Gogol atyndaǵy sýret ýchılışesin 1969 jyly aıaqtaǵannan soń, Sýrıkov atyndaǵy Máskeý memlekettik kórkemsýret ınstıtýtyna oqýǵa tústi.

1975 jyly Almaty qalasyna oralyp, ómiriniń sońyna deıin shyǵarmashylyq oılaryn júzege asyrý úshin jumys istedi. 1976 jyly Almaty kórkemsýret ýchılışesinde kompozıtsııa men músin ónerinen sabaq bere bastady. 1978 jyldan - T. Júrgenov atyndaǵy Almaty teatr-kórkemsýret ınstıtýtynyń oqytýshysy. Jumystary Qazaqstannyń plastıkasyndaǵy ulttyq qaharmandar men adamı keıipkerlerdiń beınelerin jańǵyrtýǵa eleýli úles qosty. Astana qalasynda Atatúrik, Álııa Moldaǵulova men Jaıaý Musaǵa, Almaty qalasynda T.Bokın, J. Jabaev, K. Ázirbaevqa eskertkish ornatty. Aqtóbe qalasynda - Á. Moldaǵulova, Kıreev, A. Jubanov, Máskeý qalasynda - Á. Moldaǵulova jáne t. b. eskertkish jasady. Stanoktyq sıpattaǵy jumystar Qazaqstan qalalarynyń murajaılarynda jáne shetelderde qoıylǵan. «Olımpıets» kompozıtsııasy Lozan-Shveıtsarııadaǵy Olımpıada komıtetiniń shtab-páterinde, Germanııadaǵy «Kúıshi» jeke kollektsııasynda, Máskeýdegi «Tomırıs» murajaıynda ornalasqan. «Qulager», «Umaı» jumystary QR Prezıdentiniń rezıdentsııasyna qoıyldy.

Sýretshi oryndaǵan sońǵy monýmentaldy-músindik kompozıtsııa – «Isataı men Mahambet». Ol 2003 jyly Mahambetke arnalǵan mereıtoılyq jıynda sáýlet-kórkem memorıaldyq keshenniń ortalyq bóliginde ashyldy.