17 shildede «Proton-M» ZT qulaýynyń sebebin tergeýdiń aldyn ala nátıjesi jarııa bolady

ASTANA. 10 shilde. QazAqparat - «Proton-M» zymyran-tasymaldaǵyshy qulaǵannan keıingi saldaryn joıý boıynsha jumystar shildeniń sońyna deıin aıaqtalady. Bul týraly búgin Astanada QR Qorshaǵan ortany qorǵaý vıtse-mınıstri Bektas Muhamedjanov málim etti.

«Tehnıkalyq reglament boıynsha jumysty aıaqtaý úshin belgili ýaqyt qajet jáne «Ǵarysh-Ekologııa» mamandary 10 kúnniń ishinde atalǵan jerde qosymsha zertteý sharalaryn júrgizedi. Meniń oıymsha, shildeniń aıaǵyna deıin biz bul jumysty támamdaımyz», - dedi B. Muhamedjanov.

Sonymen qatar mınıstrlik málimeti boıynsha 17 shildede «Proton-M» ZT qulaýynyń sebebin tergeýdiń aldyn ala nátıjesi jarııalanady.