17 shildede «Bolashaq» stıpendııasyna qujat qabyldaý bastalady

ASTANA. QazAqparat - «Bolashaq» baǵdarlamasy aıasynda qujattardy qabyldaýdyń tórtinshi legi 17 shildeden 15 qyrkúıekke deıin jalǵasady. Konkýrstyq irikteýge qatysýǵa ótinimder memlekettik qyzmetter portaly – eGov.kz arqyly onlaın qabyldanady, dep habarlaıdy QazAqparat.

Bıyl «Bolashaq» stıpendııasy úmitkerlerine qoıylatyn talaptar kúsheıtildi. Endi úmitkerler shet tilin meńgergenin rastaýy tıis.

Aǵylshyn tilinde oqýǵa túsýshiler tómendegi nátıje boıynsha IELTS sertıfıkatyn usynýy kerek:

- kvotalyq sanat boıynsha 9.0-den keminde 5.0.

- óz betinshe túskender sanaty boıynsha (magıstratýra, doktorantýra) 9.0-den keminde 6.0.

- taǵylymdama sanaty boıynsha 9.0-den keminde 5.0.

Jalpy alǵanda, bıyl magıstratýra jáne rezıdentýra baǵdarlamalaryna 395 stıpendııa, doktorantýraǵa 50 stıpendııa, taǵylymdamadan ótý úshin 110 stıpendııa bólindi.