17 shilde. Týǵan kún ıeleri
17 shilde, SEISENBІ
ESІMDER
112 jyl buryn (1906-1983) kompozıtor, pedagog, Qazaq KSR-iniń halyq ártisi, KSRO Kompozıtorlar odaǵynyń múshesi, Qazaq KSR Memlekettik syılyǵynyń laýreaty, qazaq halyq mýzykasyn jınaýshy HAMIDI Latıf Abdýlhaıuly dúnıege keldi.
Tashkent halyq aǵartý ınstıtýtyn, Máskeýdiń birinshi mýzykalyq tehnıkýmyn, Máskeý konservatorııasy janyndaǵy tatar opera stýdııasyn bitirgen. Qazaqtyń halyq aspaptar orkestriniń dırıjeri bolyp, Qazaqtyń Petr Chaıkovskıı atyndaǵy mýzykalyq ýchılışesinde, Qazaq konservatorııasynda ustazdyq etken. Kompozıtordyń Uly Otan soǵysy jyldary jazǵan «Attanyńdar maıdanǵa», «8-gvardııa dıvızııasynyń áni», «Batyr qyz», «Núrken» ánderi tyńdarmanyn qaharmandyq sezimge bóledi. Ol qazaq mýzykasyna tuńǵysh vals janryn engizip, «Qazaq valsi», «Bulbul» ánderin shyǵarǵan. Sondaı-aq onyń ásem áýenimen erekshelenetin valsteri, horlary, sımfonııalyq orkestr, halyq aspaptar orkestri úshin kameralyq-aspaptyq shyǵarmalary, qoıylymdar men kınofılmderge arnalǵan mýzykalary bar.
Kompozıtor qazaqtyń opera ónerin órkendetýge de úlken úles qosyp, «Abaı», «Tólegen Toqtarov», «Jambyl» operalaryn, «Jambyl men Aıkúmis» mýzykalyq pesasyn, «Balbulaq» operettasyn jazdy. Sonymen qatar «Dombyra úırený mektebi» (B.Ǵızatovpen birge), «Dırıjerlik etýdiń negizderi» (H.Tastanovpen birge), t.b. zertteý eńbekteri bar.
3 márte Eńbek Qyzyl Tý ordenimen, medaldarmen marapattalǵan.
71 jyl buryn (1947-2017) QR Sýretshiler odaǵynyń múshesi ÁBІShEV Baqytjan Álimbaıuly dúnıege keldi.
Aqtóbe qalasynda týǵan. Almaty orta mektebiniń 10 jyldyq synybyn jáne Almaty Gogol atyndaǵy sýret ýchılışesin 1969 jyly aıaqtaǵannan soń, Sýrıkov atyndaǵy Máskeý memlekettik kórkemsýret ınstıtýtyna oqýǵa tústi. 1971 jyly Máskeý qalasynda jas sýretshilerdiń «Shetel ádebıetiniń kitaphanasy» kórmesinen bastady. Sodan beri respýblıkalyq, búkilodaqtyq kórmelerdiń turaqty qatysýshysy. 1975 jyldan bastap, respýblıkanyń qaıratkerleri: Jasybaı, M. Áýezov, Ál-Farabı, Bersıev jáne t.b beıneleri somdaldy. Sonymen qatar respýblıkadaǵy monýmentaldy jumystardyń avtory: Toqash Bokın eskertkishi (Almaty qalasy), Uly Otan soǵysy qurbandaryna qoıylǵan eskertkish, «Álııa, Mánshúk», «Qanysh Sátpaev», «Aýǵan soǵysynyń qurbandaryna» qoıylǵan eskertkishterdiń jobasyna qatysýshy, Almaty qalasyndaǵy qoǵam qaıratkerleri alleıasyndaǵy Ál-Farabı, Mahambet, K.Baıseıitova, Jambyl eskertkishi, Buqar jyraý eskertkishi, Máshhúr-Júsip Kópeev eskertkishi, Pavlodar oblysy Baıanaýyl aýylyndaǵy S. Toraıǵyrov eskertkishi, Aqtóbe oblysyndaǵy Álııa Moldaǵulova eskertkishi. Respýblıka qalalaryndaǵy murajaılarynda sondaı-aq shet elde stanoktik sıpattaǵy jumystary ornalasqan. «Olımpııadashyl» atty eńbegi Shveıtsarııadaǵy Lozannada olımpıada komıtetiniń shtab páter mýzeıinde, «Kúıshi» Germanııada jeke toptamada, «Tomırıs» Máskeýde ornalasqan. Onyń keıbir jumystary QR Prezıdentiniń rezıdentsııasynda qoıylǵan. Sondaı-aq, QR memlekettik syılyǵy jáne QR Prezıdentiniń álemdik rýhanı kelisim syılyǵy belgileriniń avtory.
Qazaqstan Respýblıkasy Lenın Komsomoly syılyǵynyń laýreaty. Jambyl atyndaǵy halyqaralyq syılyqtyń ıegeri. Qazaqstannyń eńbek sińirgen qaıratkeri (2006).
61 jyl buryn (1957) Qazaqstan Respýblıkasynyń Úndistan Respýblıkasyndaǵy Tótenshe jáne Ókiletti Elshisi (2014), Qazaqstan Respýblıkasynyń Shrı-Lanka Demokratııalyq Sotsıalıstik Respýblıkasyndaǵy Tótenshe jáne Ókiletti Elshisi qyzmetin qosa atqarýshy (2015) SÁRSENBAEV Bolat Serǵazyuly dúnıege keldi.
Almaty qalasynda týǵan. Almaty shet tilderi pedagogıkalyq ınstıtýtyn (1978), Ál-Farabı atyndaǵy Qazaq Ulttyq ýnıversıtetin (1990) bitirgen. Aǵylshyn tiliniń ustazy, zańger, І sanattaǵy keńesshi.
2012 jyldyń 10 sáýirinde Memleket basshysynyń Jarlyǵymen Qazaqstan Respýblıkasynyń Iordan Hashımıttik Koroldigindegi Tótenshe jáne ókiletti elshisi Bolat Serǵazyuly Sársenbaev Qazaqstan Respýblıkasynyń Lıvan Respýblıkasyndaǵy, Palestına Memleketindegi Tótenshe jáne ókiletti elshisi qyzmetin qosa atqarýshy bolyp taǵaıyndaldy.
Al 2014 jyly 6 qazanda Memleket basshysynyń Jarlyǵymen Qazaqstan Respýblıkasynyń Úndistan Respýblıkasyndaǵy Tótenshe jáne Ókiletti Elshisi bolyp taǵaıyndaldy.
2015 jyly Qazaqstan Respýblıkasynyń Shrı-Lanka Demokratııalyq Sotsıalıstik Respýblıkasyndaǵy Tótenshe jáne Ókiletti Elshisi qyzmetin qosa atqarýshy bolyp taǵaıyndaldy.
«Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarymen marapattalǵan.
50 jyl buryn (1968) Qazaqstan Respýblıkasy Prezıdenti janyndaǵy Memlekettik basqarý akademııasynyń rektory JAQYPOVA Fatıma Nadyrqyzy dúnıege keldi.
Almaty qalasynda týǵan. 1991 jyly S. M. Kırov atyndaǵy Qazaq memlekettik ýnıversıtetin, 1994 jyly Kentýkkı shtatynyń Kentýkkı ýnıversıtetin bitirgen.
Eńbek joly:
1991-2001 jyldar aralyǵynda Ál-Farabı atyndaǵy QazMÝ-da kómekshi, aǵa oqytýshy, dotsent, «Qazaq ýnıversıteti» baspasynyń dırektory bolǵan.
2000-2001 jyldary - Ál-Farabı atyndaǵy QazMÝ-dyń Ekonomıka jáne quqyq ınstıtýty dırektorynyń orynbasary qyzmetin atqarǵan.
2001-2003 jyldar aralyǵynda - M. H. Dýlatı atyndaǵy Taraz memlekettik ýnıversıtetiniń jalpy máseleler, ekonomıkalyq boljaý jáne damý jónindegi prorektory.
2003-2008 jyldary M. H. Dýlatı atyndaǵy Taraz memlekettik ýnıversıtetiniń gýmanıtarlyq fakýltetteriniń oqý-ádistemelik jumysy jónindegi prorektory bolǵan.
2008-2011 jyldary І. Jansúgirov atyndaǵy Jetisý memlekettik ýnıversıtetiniń birinshi prorektor - oqý-ádistemelik jumysy jónindegi prorektory qyzmetin atqarǵan.
2011-2012 jyldary - Qazaqstan Respýblıkasy Bilim jáne ǵylym mınıstrliginiń Joǵary jáne joǵary oqý ornynan keıingi bilim departamenti dırektorynyń orynbasary.
2012-2014 jyldar aralyǵynda Qazaqstan Respýblıkasy Bilim jáne ǵylym mınıstrliginiń Joǵary jáne joǵary oqý ornynan keıingi bilim departamentiniń dırektory qyzmetinde bolǵan.
2014-2016 jyldary - Nazarbaev Ýnıversıteti Memlekettik saıasat ulttyq mektebiniń atqarýshy dırektory.
2016 jyldyń shilde aıynan beri qazirgi qyzmetinde.
49 jyl buryn (1969) Qazaqstan baspasóz klýbynyń prezıdenti, IPRA (Halyqaralyq jurtshylyqpen baılanys qaýymdastyǵy) múshesi, PR-shy klýbyn uıymdastyrýshylardyń biri, Qazaqstan Respýblıkasy Jýrnalıstıka akademııasynyń akademıgi QARAÝYLOVA Ásel Ádilqyzy
dúnıege keldi.
Almaty qalasynda týǵan. Qazaq memlekettik ýnıversıtetin, Qazaqstan menedjment, ekonomıka jáne boljaý ınstıtýtyn, AQSh-tyń Mıssýrı-Kolambııa ýnıversıtetin bitirgen. «Lenınskaıa smena» gazetiniń shtattan tys tilshisi bolǵan. 1994-1995 jyldary - USAID menedjeri. Qazirgi qyzmetinde 1995 jyldan bastap isteıdi.
Sonymen qatar Qazaqstan Respýblıkasy Prezıdenti janyndaǵy Shetel ınvestorlary keńesi syrtqy ımıdj boıynsha tobynyń múshesi, PR naryǵy problemalary boıynsha maqalalardyń turaqty avtory, jetekshi bıznes mektepterdiń oqytýshysy.
Ol otandyq PR naryǵyn damytýǵa úles qosty, PR jáne kommýnıkatsııa salasynda 15 jyldyq jumys tájirıbesi bar. Á.Qaraýylova 15 jyl ishinde 320 PR jobany, Qazaqstan, Ortalyq Azııa, TMD, Eýropa men Ońtústik-Shyǵys Azııa aımaǵynda 2700-den astam medıa is-sharany, halyqaralyq áriptestermen birge jalpyulttyq sıpattaǵy 10 iri jobany júzege asyrdy.
Qazaqstan Respýblıkasy Prezıdenti N.Nazarbaevtyń, AQSh senatory bolǵan Hılları Klıntonnyń alǵys hatymen marapattalǵan.
45 jyl buryn (1973) QR Qorǵanys jáne aeroǵarysh ónerkásibi mınıstrligi aqparattyq qaýipsizdik komıtetiniń tóraǵasy GOLOBÝRDA Dmıtrıı Vasılevıch dúnıege keldi.
1995 jyly Ál-Farabı atyndaǵy Qazaq memlekettik ulttyq ýnıversıtetin Quqyqtaný mamandyǵy boıynsha támamdaǵan.
1995 jyldan bastap 2012 jylǵa deıin Qazaqstan Respýblıkasy Ádilet mınıstrliginiń Zań shyǵarý ǵylymı-zertteý ınstıtýtynda, sondaı-aq úkimettik baılanysty qamtamasyz etý júıesinde jumys istedi.
2009-2012 jyldar aralyǵynda «Telekommýnıkatsııa salasynda tehnıkalyq súıemeldeý jáne taldaý ortalyǵy» RMK dırektorynyń birinshi orynbasary qyzmetin atqarǵan.
2012-2014 jyldar aralyǵynda QR UQK Arnaıy aqparattyq qyzmeti dırektorynyń birinshi orynbasary laýazymynda boldy.
2014 jyldyń sáýirinen bastap qazan aıyna deıin - Qazaqstan Respýblıkasy Baılanys jáne aqparat agenttigi tóraǵasynyń orynbasary.
2014-2016 jyldar aralyǵynda - Qazaqstan Respýblıkasy Investıtsııalar jáne damý mınıstrliginiń Baılanys, aqparattandyrý jáne aqparat komıteti tóraǵasynyń orynbasary.
QR Qorǵanys jáne aeroǵarysh ónerkásibi vıtse-mınıstri bolyp taǵaıyndalǵanǵa deıin D.Golobýrda Qazaqstan Respýblıkasy Aqparat jáne kommýnıkatsııalar mınıstrliginiń Baılanys, aqparattandyrý jáne BAQ salasyndaǵy memlekettik baqylaý komıteti tóraǵasynyń mindetin atqarýshy laýazymyn atqardy. QR Qorǵanys jáne aeroǵarysh ónerkásibi vıtse-mınıstri boldy.
2018 jyldyń aqpan aıynan bastap - qazirgi qyzmetinde.
37 jyl buryn (1981) «QazAgro» holdınginiń basqarma tóraǵasy QURMANOV Rústem Jomartuly dúnıege keldi.
Soltústik Qazaqstan oblysynda dúnıege kelgen. Sh. Ýálıhanov atyndaǵy Kókshetaý memlekettik ýnıversıtetin támamdaǵan. Ekonomıka ǵylymdarynyń kandıdaty ǵylymı dárejesi bar.
Eńbek jolyn 2003 jyly QR AShM Agroónerkásiptik keshenindegi memlekettik ınspektsııa komıtetiniń Aqmola oblystyq aýmaqtyq basqarmasynyń Ekonomıkalyq taldaý bóliminiń jetekshi mamany retinde bastaǵan.
2012-2013 jyldary QR AShM ınvestıtsııalyq saıasat departamentiniń dırektory qyzmetin atqarǵan.
2013-2015 jyldary - QR AShM Veterınarlyq baqylaý jáne qadaǵalaý komıtetiniń tóraǵasy.
2015 jyldan bastap 2016 jylǵa deıin QR Ulttyq kásipkerler palatasynyń agroónerkásiptik kesheninde komıtet hatshysy bolyp jumys istegen.
2017 jyldyń shilde aıynan bastap QR Aýyl sharýashylyǵy vıtse-mınıstri laýazymyn atqarǵan.
Qazirgi qyzmetinde 2018 jyldyń maýsym aıynan bastap.
1712 jyl buryn (1846-1888) orys geografy, antropolog, bıolog jáne saıahatshy MIKLÝHO-MAKLAI Nıkolaı Nıkolaevıch dúnıege keldi.
98 jyl buryn (1920-2010) kórnekti ıspan saıasatkeri jáne kásipker, Halyqaralyq Olımpıada komıtetiniń 1980-2001 jyldardaǵy prezıdenti, HH ǵasyrdaǵy olımpıadalyq qozǵalystyń kórnekti qaıratkerleriniń biri, HOK-tiń ómir boıy qurmetti prezıdenti Don Hýan Antonıo SAMARANCh-I-TORELЬO dúnıege keldi.
64 jyl buryn (1954) nemis saıasatkeri, Germanııanyń federaldyq kantsleri MERKELЬ Angela Doroteıa dúnıege keldi.