17 shilde kúni Qazaqstanda aýa raıy qubylmaly bolady
ASTANA. QazAqparat - Qazaqstannyń basym aýmaǵynda baıqalyp otyrǵan qubylmaly aýa raıy saqtalady. Keı jerlerde kún kúrkirep, jańbyr jaýady, burshaq jaýýy da múmkin, dep habarlaıdy QazAqparat «Qazgıdromet RMK-na silteme jasap.
Tek ońtústikte jáne soltústikte ǵana kún jaýyn-shashynsyz bolady. Respýblıkanyń keı aýmaqtarynda jel kúsheıip, shańdy daýyl turýy múmkin, soltústik óńirlerde túnde jáne tańerteń tuman túsedi.
«Qazgıdromet» RMK-nyń bergen málimetterine súıensek, Batys Qazaqstan, Jambyl, Shyǵys Qazaqstan oblystarynyń keı aýmaqtarynda jeldiń jyldamdyǵy 15-20 m/s-qa deıin jetip, kúndiz burshaq jaýýy yqtımal, Batys Qazaqstan oblysynda kúndiz keı jerlerde daýyl turady.
Almaty, Túrkistan, Atyraý oblystarynda, kúndiz Aqtóbe, túnde Mańǵystaý oblystarynda jeldiń jyldamdyǵy sekýndyna 15-22 m/s-qa deıin jetýi múmkin, Túrkistan, Atyraý oblystarynda shańdy daýyl turady.
Aqmola, Qostanaı, Soltústik Qazaqstan oblystarynda túnde jáne tańerteń keı jerlerge tuman túsedi.
Almaty, Qyzylorda, Mańǵystaý, Atyraý oblystarynyń basym bóliginde, Túrkistan, Batys Qazaqstan, Aqtóbe, Qostanaı oblystarynyń keı aýmaqtarynda aptap ystyq saqtalady.
Mańǵystaý oblysynda, Qyzylorda, Túrkistan, Atyraý oblystarynyń basym bóliginde, Batys Qazaqstan, Aqtóbe, Jambyl oblystarynyń keı aýmaqtarynda órt tutaný qaýpi saqtalady.
