17-shi qabattan qulaǵan stýdent tiri qaldy
ASTANA. 5 qazan. QazAqparat - Jataqhana tóbesinen qulap ketken Nıý-Iork ýnıversıtetiniń stýdenti nıgerııalyq Asher Vongtaý, eki ǵımarat arasyndaǵy qýysta 36 saǵat ýaqytyn ótkizgen, dep habarlady The New York Daily News.
Aýyr soqqydan qoly, bas súıegi men aıaǵy synǵan, sondaı-aq ókpesi men kókbaýyry zaqymdanǵan bozbala eni 60 sm-ge de jetpeıtin tar qýysta 1 jarym táýlikten astam ýaqyt es-tússiz jatqan. Qutqarýshylarǵa 19 jasar ekinshi kýrs stýdentin alyp shyǵý úshin qabyrǵany buzýǵa týra kelgen. Perishtesi qaǵyp aman qalǵan, aýyr qaldegi jas jigit shuǵyl túrde Bellevıý aýrýhanasyna jetkizildi.
