17 sáýirge arnalǵan aýa raıy boljamy - Qazgıdromet
ASTANA. QazAqparat - Búgin Respýblıkanyń batysynda, soltústik-shyǵysynda jáne ortalyǵynda aýa raıy jaýyn shashynsyz bolady. Qazaqstannyń basqa aımaqtarynda atmosferalyq frontaldy bólikterdiń ótýine baılanysty qubylmaly aýa raıy saqtalady, keı jerlerde jaýyn-shashyn, naızaǵaı, tuman, jeldiń kúsheıýi kútiledi, dep habarlaıdy QR ІІM TJK baspasóz qyzmeti.
Aqmola, Soltústik Qazaqstan, Qostanaı oblystarynyń keı jerlerinde túnde jáne tańerteń tuman bolady, tańerteń jáne kúndiz jeldiń jyldamdyǵy 15-20 m/s-ǵa deıin kúsheıedi.
Batys Qazaqstan, Aqtóbe, Shyǵys Qazaqstan, kúndiz Atyraý oblystarynyń keı jerlerinde jeldiń jyldamdyǵy 15-20 m/s-ǵa deıin jetedi.
Mańǵystaý, Pavlodar, Qaraǵandy oblystarynyń keı jerlerinde tuman bolady. Ońtústik Qazaqstan oblysynyń keı jerlerinde kúndiz jeldiń jyldamdyǵy - 15-20 m/s.
Jambyl oblysynyń keı jerlerinde túnde tuman bolady.
