17 sáýir kúni Qazaqstanda teleradıoarnalar habar taratýyn ýaqytsha toqtatady
NUR-SULTAN. QazAqparat - 2019 jylǵy 17 sáýir kúni 03:00-den 17:00-ge deıin teleradıohabar taratý salasyndaǵy ulttyq operator «Qazteleradıo» AQ spýtnık, tsıfrlyq jáne balamaly efırlik jelilerdiń tehnıkalyq quraldary servısin jaýyp, josparly profılaktıkalyq jumystardy júrgizedi, dep habarlaıdy QazAqparat «Qazteleradıo» AQ-na silteme jasap.
«Qazteleradıo» AQ ár toqsanda spýtnık jáne efırlik jelilerdiń tehnıkalyq quraldary servısin jaýyp, josparly profılaktıkalyq jumystardy júrgizedi. Atalǵan jumystar sapaly teleradıohabar taratýdyń sapaly bolýyn qamtamasyz etý úshin qajet. Toqsandyq josparly profılaktıkalyq jumystar servısti uzaq ýaqyt boıy sóndirýge múmkindik beredi, osy kezeńde tehnıkalyq quraldardy jańǵyrtý boıynsha qosymsha jumystar da atqarylady. Ýaqytsha qolaısyzdyqtar úshin keshirim ótinemiz», - delingen habarlamada.
