17 sáýir kúngi aýa raıy boljamy
NUR-SULTAN. QazAqparat – 17 sáýir kúni respýblıkanyń batys, soltústik-batys jáne ońtústiginde atmosferalyq frontaldy bólikterdiń ótýine baılanysty keı jerlerde jańbyr men naızaǵaı kútiledi, túngi ýaqyttarda soltústik-batysta jaýyn-shashyn bolady. Elimizdiń basym bóliginde jaýyn-shashynsyz kún raıy saqtalady. Keı jerlerde tuman túsip, jel kúsheıedi. QazAqparat bul týraly «Qazgıdromet» RMK-ǵa silteme jasap habarlaıdy.
Atap aıtqanda, Almaty, túnde Pavlodar, kúndiz Batys Qazaqstan, Atyraý oblystarynyń keı jerlerinde jel 15-20 m/s kúsheıedi. Atyraý oblysynda túnde jáne tańerteń keı jerlerde tuman kútiledi.
Qostanaı, Aqtóbe, Mańǵystaý oblystarynyń keı jerlerinde tuman boljanady.
