Qar aralas jańbyr, kóktaıǵaq: 17 oblysta aýa raıyna baılanysty eskertý jarııalandy

ASTANA. KAZINFORM - Sınoptıkter 17 aqpan kúni Qazaqstannyń 17 oblysynda jáne Astana qalasynda aýa raıyna baılanysty eskertý jarııalady. Bul týraly Qazgıdromet habarlady.

17 aqpanǵa qaraǵan túni Astanada azdaǵan qar jaýyp, kúndiz jańbyr men qar jaýady, qóktaıǵaq bolýy múmkin. Túnde jáne tańerteń tuman túsedi. Jel ońtústik-batystan soǵyp, kúndiz ekpini 15–20 m/s-qa jetedi.

Aqmola oblysynda túnde soltústikte qar jaýyp, jaıaý burqasyn soǵady jáne kóktaıǵaq bolady. Óńirdiń shyǵysyna azdaǵan qar túsedi. Kúndiz oblystyń batysy, soltústigi men shyǵysynda jańbyr men qar aralas jaýyn jaýady, jaıaý burqasyn soǵyp kóktaıǵaq bolady. Jeldiń ekpini keı jerlerde 23–28 m/s-qa deıin kúsheıedi.

Jetisý oblysynyń soltústigi, shyǵysy jáne taýly aımaqtarynda tuman túsip, joldarda kóktaıǵaq bolady. Alakól kólderi mańynda jeldiń ekpini 23–28 m/s-qa deıin jetýi yqtımal.

Mańǵystaý oblysynyń batysy men soltústiginde tuman túsedi, jeldiń ekpini túnde jáne tańerteń 25 m/s-qa deıin kúsheıýi múmkin.

Atyraý oblysynyń batysy, ońtústigi jáne shyǵysynda tuman túsedi. Jel túnde soltústik-batysqa aýysyp, ekpini 15–18 m/s-qa jetedi.

Almaty oblysynyń soltústigi, ońtústigi jáne taýly aýdandarynda tuman túsip, kóktaıǵaq bolady. Jeldiń ekpini shyǵysta 15–20 m/s.

Qostanaı, Aqtóbe, Qaraǵandy, Pavlodar, Soltústik Qazaqstan, Batys Qazaqstan oblystarynda jańbyr men qar jaýayp, jaıaý burqasyn soǵady, kóktaıǵaq jáne tuman bolýy da yqtımal. Keı óńirlerde jeldiń ekpini 23–28 m/s-qa deıin kúsheıedi.

Túrkistan oblysynyń ońtústigi men taýly aýdandarynda jańbyr jaýyp, naızaǵaı oınaıdy, túnde taýda nóser jaýyn bolýy múmkin. Jambyl oblysynyń taýly aımaqtarynda túnde kúshti jaýyn jaýady.

Abaı, Shyǵys Qazaqstan, Ulytaý jáne Qyzylorda oblystarynda da tuman túsip, kóktaıǵaq bolady, keı jerlerde qar jaýyp, jel kúsheıýi múmkin.

Sınoptıkter turǵyndardy aýa raıynyń qolaısyzdyǵyna baılanysty saqtyq sharalaryn kúsheıtýge shaqyrady.

Osyǵan deıin Mańǵystaýda qatty jelden saýda ortalyǵynyń shatyry ushyp ketkeni týraly jazdyq.