17 oblysqa eskertý jasaldy: úsik, tuman, jel 28 m/s-qa deıin kúsheıedi
ASTANA. KAZINFORM — 19 qazan kúni Qazaqstannyń 17 oblysy men Astana qalasynda daýyldy eskertý jarııalandy. Sınoptıkter tuman túsip, jel kúsheıetinin jáne birqatar óńirde úsik júretinin boljaıdy. Bul týraly «Qazgıdromet» RMQ málim etti.
Astanada túnde jáne tańerteń tuman túsedi.
Aqmola oblysynyń batysynda, soltústigi men ońtústiginde túnde jáne tańerteń tuman kútiledi. Kúndiz oblystyń batysynda, soltústigi men shyǵysynda ońtústik-batystan soǵatyn jeldiń jyldamdyǵy sekýndyna 15–20 metrge jetip, ekpini 23–28 m/s bolady. Kókshetaýda kúndiz jeldiń jyldamdyǵy 15–20 m/s, ekpini 23 m/s-qa deıin kúsheıedi.
Aqtóbe oblysynyń shyǵysynda joǵary órt qaýpi, al batysynda, ońtústigi men ortalyǵynda tótenshe órt qaýpi saqtalady.
Almaty oblysynyń shyǵysynda soltústik-shyǵystan soǵatyn jeldiń ekpini 15 m/s-qa jetedi. Oblystyń soltústigi men batysynda túnde 3 gradýsqa deıin úsik júrýi múmkin.
Atyraý oblysynda joǵary órt qaýpi saqtalady, al soltústiginde, ońtústigi men shyǵysynda tótenshe órt qaýpi boljanady. Atyraý qalasynda da tótenshe órt qaýpi saqtalady.
Abaı oblysynyń batysynda, soltústigi men ońtústiginde túnde jáne tańerteń tuman túsedi. Semeıde de osy ýaqytta tuman kútiledi.
Shyǵys Qazaqstan oblysynyń soltústiginde, shyǵysy men ońtústiginde túnde jáne tańerteń tuman bolady. Óskemende de tuman boljanady.
Jambyl oblysynyń taýly aýdandarynda túnde jáne tańerteń tuman túsedi. Ońtústik-batysynda, soltústik-shyǵysynda jáne taýly aýdandarynda soltústik-shyǵystan soǵatyn jeldiń jyldamdyǵy 15–20 m/s-qa jetedi. Oblystyń shyǵysynda túnde 2 gradýsqa deıin úsik júrýi múmkin.
Jetisý oblysyndaǵy Alakól kólderi aýdanynda soltústik-shyǵystan soǵatyn jeldiń ekpini 15–20 m/s bolady. Túnde 2–7 gradýs úsik kútiledi. Taldyqorǵanda aýa temperatýrasy 3–5 gradýsqa deıin tómendeýi múmkin.
Batys Qazaqstan oblysynyń batysynda, ońtústigi men shyǵysynda joǵary órt qaýpi saqtalady.
Qaraǵandy oblysynyń batysynda, soltústigi men shyǵysynda túnde jáne tańerteń tuman túsedi. Kúndiz oblystyń soltústiginde ońtústik-batystan soǵatyn jeldiń ekpini 15 m/s-qa jetedi. Batysynda tótenshe órt qaýpi saqtalady. Qaraǵandyda túnde jáne tańerteń tuman kútiledi.
Qostanaı oblysynyń batysy men soltústiginde túnde jáne tańerteń tuman bolady. Oblystyń batysynda, soltústigi men shyǵysynda ońtústik-batystan soqqan jel soltústik-batysqa aýysyp, jyldamdyǵy 15–20 m/s-qa, kúndiz ekpini 23–28 m/s-qa deıin jetedi. Ońtústiginde joǵary órt qaýpi saqtalady. Qostanaıda kúndiz jel ońtústik-batystan soltústik-batysqa aýysyp, 15–20 m/s-qa deıin kúsheıedi.
Qyzylorda oblysynyń soltústiginde túnde topyraq betinde 1 gradýs úsik kútiledi. Oblys boıynsha tótenshe órt qaýpi, soltústiginde joǵary órt qaýpi saqtalady. Qyzylorda qalasynda da tótenshe órt qaýpi bar.
Mańǵystaý oblysynyń batysy men ortalyǵynda ońtústik-shyǵystan soǵatyn jeldiń ekpini 15–18 m/s bolady. Oblystyń ortalyǵynda joǵary órt qaýpi saqtalady.
Pavlodar oblysynyń batysy men ońtústiginde túnde jáne tańerteń tuman túsedi. Kúndiz oblystyń batysy men soltústiginde ońtústik-batystan soǵatyn jeldiń ekpini 15–20 m/s-qa jetedi.
Soltústik Qazaqstan oblysynyń ońtústiginde túnde jáne tańerteń tuman kútiledi. Ońtústik-batystan soqqan jel soltústik-batysqa aýysady. Túnde oblystyń batysy men shyǵysynda jeldiń ekpini 15–20 m/s bolady. Kúndiz jeldiń jyldamdyǵy 15–20 m/s-qa jetip, batysynda, soltústigi men ońtústiginde ekpini 23–28 m/s bolady. Petropavlda kúndiz jeldiń jyldamdyǵy 15–20 m/s, ekpini 23–28 m/s-qa deıin kúsheıedi.
Túrkistan oblysynyń taýly aýdandarynda tuman túsedi. Soltústigi men taýly aýdandarynda soltústik-shyǵystan soǵatyn jeldiń jyldamdyǵy 15–20 m/s bolady. Oblystyń soltústiginde túnde 1 gradýs úsik kútiledi. Batysynda jáne Túrkistan qalasynda joǵary órt qaýpi saqtalady.
Ulytaý oblysynyń soltústigi men shyǵysynda túnde jáne tańerteń tuman túsedi. Oblystyń batysy men ortalyǵynda, sondaı-aq Jezqazǵanda tótenshe órt qaýpi saqtalady.
