17 naýryzda Senatta parlamenttik tyńdaý ótedi
ASTANA. QazAqparat - Parlament Senatynyń bıýro otyrysynda 2017 jylǵy 16 naýryzda ótetin Palata otyrysynyń kún tártibi kelisildi.
Senatorlar «1995 jylǵy 20 qańtardaǵy Qazaqstan Respýblıkasy men Reseı Federatsııasy arasyndaǵy Embi polıgonyn paıdalaný jáne jalǵa berý sharttary týraly kelisimniń jáne 1996 jylǵy 18 qazandaǵy QR Úkimeti men RF Úkimetiniń arasyndaǵy Embi synaq polıgonyn jaldaý týraly sharttyń qoldanysyn toqtatý jónindegi sharalar týraly Qazaqstan men Reseı arasyndaǵy hattamany ratıfıkatsııalaý týraly» zań jobasyn; zańnamaǵa qylmystyq-atqarý zańnamany jetildirý máseleleri boıynsha túzetýlerdi; Ekologııalyq kodekske ózgerister men tolyqtyrýlar engizý týraly zań jobasyn qaraıdy.
Senat bıýrosynyń qaýlysy boıynsha 17 naýryzda «Teńdestirilgen jáne ashyq bıýdjet - eldiń tabysty jáne ornyqty áleýmettik-ekonomıkalyq damýynyń kepili» atty parlamenttik tyńdaý ótetin bolady.
