17 naýryzda elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» halyqaralyq aqparat agenttigi 17 naýryz kúni elordada ótetin mańyzdy sharalar ańdatpasyn usynady.
10.00-de QR Parlamenti Senatynyń otyrysy ótedi. Kezdesý www.senate.parlam.kz saıtynda onlaın kórsetiledi.
10.00-de L.Gýmılev atyndaǵy EUÝ-de Ortalyq saılaý komıssııasynyń tóraǵasy Nurlan Ábdirov saılaý barysy boıynsha Nur-Sultan jurtshylyǵymen kezdesedi.
11.00-de Beıbitshilik jáne kelisim saraıynda Túrki áleminiń ejelgi merekeleriniń biri - Naýryz merekesine oraı beıbitshilik jáne kelisim murajaıynda «Uly Dalanyń tarıhy men mádenıeti» kórmesiniń resmı ashylýy ótedi.
11.00-de Hilton Astana (EXPO) qonaq úıinde «Shyǵys-Batys» halyqaralyq geosaıası boljam ortalyǵy «Jańa álemdik tártip syn-tegeýrinderiniń paradıgmasy. Ózgerý ýaqyty» taqyrybynda halyqaralyq saraptamalyq dıalog alańyn ashady.
14.30-da QR Prezıdenti janyndaǵy ortalyq kommýnıkatsııalar qyzmetinde «Beıjiń-2022 qysqy paralımpıada oıyndarynyń qorytyndysy» taqyrybynda baspasóz máslıhaty ótedi.
Spıkerler: QR MSM Sport jáne dene shynyqtyrý isteri komıtetiniń tóraǵasy Samat Erǵalıev; QR Ulttyq paralımpıada komıtetiniń bas hatshysy Erlan Súleımenov; Pekın 2022 XIII qysqy Paralımpıada oıyndarynyń qola júldegeri Aleksandr Gerlıts.
Kórsetilim siltemeleri: Youtube, Facebook.
15.00-de QR Tuńǵysh Prezıdenti – Elbasy kitaphanasynynyń kórkem galereıasynda Nur-Sultan qalasy sýretshiler Odaǵy jastar birlestiginiń múshesi Aıdana Minaıdarovanyń «Kún shapaǵy» jeke kórmesiniń ashylýy ótedi. Kórme kitaphananyń «Táýelsizdiktiń mádenı negizi» jobasy aıasynda uıymdastyryldy.
16.00-de JOO basshylyǵynyń, lektorlar men bıznes-trenerlerdiń MVA/EMVA baǵdarlamalarynyń bilim alýshylarymen kezdesýi ótedi.
Baǵdarlamalar el ekonomıkasy úshin qajetti basqarýshy kadrlardy daıarlaýǵa baǵyttalǵan.
Birinshi jıynǵa arnalǵan sabaq úsh baǵdarlama - «Strategııalyq menedjment», «Qarjyny basqarý», «Qonaqjaılylyq jáne bos ýaqytty basqarý» boıynsha ótkiziledi.
19.00-de Qazaqstandaǵy Japonııa elshiligi japon ımperatorynyń týǵan kúni qurmetine saltanatty qabyldaý ótkizedi.
