17 naýryz. QazAqparat kúntizbesi
Dúnıejúzilik uıqy kúni
2008 jyldan beri jyl saıyn toılanyp keledi. Alǵash ret 2008 jyly 14 naýryzda toılandy, sodan keıin olar naýryzdyń ekinshi tolyq aptasynyń jumasynda toılaı bastady. Bul kúnniń atap ótilýine Halyqaralyq uıqy medıtsınasy qaýymdastyǵynyń Halyqaralyq uıqy kúni komıtetiniń bastamashy bolǵan. Ol Dúnıejúzilik densaýlyq saqtaý uıymynyń uıqy jáne densaýlyq problemalary jobasynyń bir bóligi retinde toılanady.
ESTE QALAR OQIǴALAR
1990 jyly Almatyda Qazaqstan káristeriniń quryltaıy ótti. Onda Respýblıkalyq káris mádenıeti ortalyqtarynyń qaýymdastyǵy quryldy.
1994 jyly Qazaqstan Respýblıkasynyń Syrtqy ister mınıstrligi Burynǵy ıÝgoslavııa Respýblıkasy Makedonııanyń táýelsizdigin moıyndaý týraly nota jiberdi.
1995 jyly Qazaqstan Respýblıkasy Prezıdentiniń Jarlyǵymen Qazaqstan Respýblıkasynyń Ortalyq saılaý komıssııasy quryldy.
1995 jyly jýrnalıstıka salasynyń «Altyn juldyz» jalpyulttyq syılyǵy taǵaıyndaldy. 2001 jyldan bastap «Altyn juldyz» - Qazaqstan jýrnalıstıka akademııasynyń resmı syılyǵy.
Syılyq - shyǵarmashylyq tabystardy jáne qazaqstandyq buqaralyq aqparat quraldarynyń básekege túse alatyndyǵyn kásibı jáne qoǵamdyq tanýdyń joǵary belgisi. Qazirgi tańda Qazaqstan jýrnalıstıkasynyń damýyna óz úlesin qosqan 100-den astam tulǵa osy syılyqpen marapattalǵan.
2000 jyly ekonomıkalyq, saıası jáne mádenı salalarda Aýstrııa men Qazaqstannyń arasyndaǵy dostyq baılanystaryn nyǵaıtýǵa qosqan súbeli úlesi úshin Qazaqstan Respýblıkasynyń Prezıdenti Nursultan Nazarbaev «Aýstrııa Respýblıkasynyń aldyndaǵy zor eńbegi úshin Úlken Qurmet juldyzy» ordenimen marapattaldy.
Atalmysh qurmet belgisi — Aýstrııanyń 1952 jylǵy 2 sáýirde bekitilgen memlekettik nagradasy. Ony Ulttyq jınalys qabyldaǵan zańdarǵa negizdele Aýstrııa Federaldy Prezıdenti tabystaıdy.
2005 jyly Qazaqstan Respýblıkasy Prezıdentiniń Jarlyǵymen, QR Úkimetiniń qaýlysymen bekitilgen «2005-2007 jyldarǵa arnalǵan Qazaqstan Respýblıkasynda ǵarysh qyzmetin damytý» memlekettik baǵdarlamasyna sáıkes «Qazǵarysh» ulttyq kompanııasy» AQ quryldy.
2011 jyly ortalyqazııalyq-qazaqstandyq usaq shoqylardyń biregeı ekologııalyq júıesin saqtaý maqsatynda «Buırataý» Memlekettik ulttyq tabıǵı qoryǵy quryldy. Qoryq Aqmola oblysynyń Ereımentaý aýdanynyń aýmaǵynda 60 814 gektar jáne Qaraǵandy oblysynyń Osakarov aýdanynda 28 154 gektar jerdi alyp jatyr.
2012 jyly «Merler beıbitshilik úshin» halyqaralyq uıymyna kiretin Qazaqstannyń úsh qalasyna (Qaraǵandy, Óskemen jáne Semeı) respýblıkanyń taǵy toǵyz qalasy qosyldy, onyń ishinde Shyǵys Qazaqstannyń segiz qalasy bar.
«Merler beıbitshilik úshin» halyqaralyq uıymynyń «Bolashaq-2020» kompanııasy dırektorlar keńesiniń tóraǵasy Lıýk Deane qazaqstandyq Pavlodar, Kýrchatov, Rıdder, Zyrıan, Shemonaıha, Zaısan, Shar, Aıagóz, Serebrıansk qalalarynyń ákimderine «Merler beıbitshilik úshin» halyqaralyq uıymy músheleriniń sertıfıkattaryn tabys etti.
Shyǵys Qazaqstan oblysynyń ákimdikteri men «Merler beıbitshilik úshin» halyqaralyq hatshylyǵy birlesken is-qımyl josparyna qol qoıdy.
2013 jyly Semeı qalasynyń sheberleri Túrkistanda Ahmet ıAsaýıdiń kesenesinde ornatylǵan qola Taıqazannyń kóshirmesin jasady. Onyń dıametri - 2,45 m, salmaǵy - 2 tonna.
2014 jyly Qazaqstan Respýblıkasynyń Ulttyq banki 2014 jylǵy 17 naýryzda nomınaly 100 teńgelik, «rroof» sapaly «Brazılııadaǵy FIFA 2014 fýtboldan álem chempıonaty» eskertkish kúmis monetasyn aınalysqa shyǵardy.
2016 jyly Almatyda «Jansaıa Ábdimáliktiń shahmat akademııasy» fılıalynyń ashylý saltanaty ótti. Fılıal 500 adamǵa shaqtalǵan. Bul fılıalda 100-den astam kóp balaly jáne áleýmettik az qamtylǵan otbasylardyń balalary tegin dáris alatyn bolady.
2017 jyly Astanada «Tumar» ulttyq televızııalyq alǵashqy syılyǵynyń jeńimpazdaryn marapattaý rásimi ótti. Uıymdastyrýshylar – «Qazmedıa» ortalyǵy jáne Qazaqstan Respýblıkasynyń Aqparat jáne kommýnıkatsııalar mınıstrligi.
Maqsaty - eń sapaly jáne ózekti televızııalyq ónimdi anyqtap, talantty kásipqoılardy qoldaý, sondaı-aq sapaly qazaqstandyq televızııany damytý.
2018 jyly Ekonomıkalyq yntymaqtastyq jáne damý uıymy keńesi Qazaqstannyń Bolat komıtetine kirý týraly ótinishin maquldady.
2019 jyly Qazaqstandyq aktrısa Samal Eslıamova Gonkongta ótken Azııa kınoakademııasynda (Asian Film Awards Academy) «Aıka» kartınasyndaǵy basty róli úshin «Azııanyń úzdik aktrısasy» syılyǵyna ıe boldy.
2018 jyldyń mamyr aıynda Samal Eslıamova qazaqstandyq kınematografııa tarıhynda tuńǵysh ret 71 Kann kınofestıvalinde úzdik aktrısa dep tanylǵan bolatyn.
2021 jyly Slovak tilinde «Qazaqstannan 101 áser» kitaby jaryq kórdi. Bul jarqyn fotoalbom jáne jolsiltemeniń bir túri, ol adamdardy, sáýletti, qyzyqty qalalardy, taýlar men kólderdiń sulýlyǵyna toly tańǵajaıyp tabıǵatty jáne kóptegen kórikti jerlerdi tanystyra otyryp, ejelgi dáýirden búgingi kúnge deıingi eldiń ózindik ereksheligi men dástúrlerin egjeı-tegjeıli ashyp kórsetedi.
2021 jyly Estonııada Qazaqstan táýelsizdiginiń 30 jyldyǵyna oraı marka shyǵaryldy. Bul marka qazaq aqyny, aǵartýshy Abaıdyń 175 jyldyǵyna jáne fılosof Ábý Nasyr ál-Farabıdiń 1150 jyldyǵyna arnalǵan buryn shyǵarylǵan estelik markalar serııasyn jalǵastyrdy.
2022 jyly «Jańa Qazaqstan» qoǵamdyq jastar qozǵalysy quryldy. Ol tek Almatyda ǵana emes, óńirlerde de joǵary oqý oryndarynyń stýdentterimen jumys isteıtin bolady. Buǵan jas, belsendi jáne bastamashyl qazaqstandyqtardy tartý josparlanýda.
2022 jyly Qazaqstan Respýblıkasy Parlamenti Senaty janynan «Ulttyq múde» jańa dıalog alańy quryldy. Jobanyń ereksheligi – ulttyq múddege, qundylyqtarǵa, ult bolashaǵyna qatysty mańyzdy máselelerdi depýtattar men zııaly qaýym ókilderin tarta otyryp talqylap, osy baǵyttaǵy naqty maqsattar men is-sharalardy aıqyndaý.
2022 jyly qostanaılyq 9 synyp oqýshysy Jan Dáýitovtyń jetistikter jınaǵy Azııa-Tynyq muhıty elderiniń matematıkalyq olımpıadasynda jeńisimen tolyqty.Olımpıadanyń altyn medali jas matematıktiń halyqaralyq deńgeıdegi jetistiginiń jaqsy jalǵasy boldy.
ATMO – Tynyq muhıty aımaǵyndaǵy elderge arnalǵan matematıkalyq jarys. Oǵan 40-tan astam el, sonyń ishinde Reseı, Kanada, Japonııa, AQSh, Avstralııa, Brazılııa, Jańa Zelandııa, Sıngapýr, Gonkong jáne t.b qatysady.
