17 naýryzda «Naýryz jumysker» baǵdarlamasyna ótinim qabyldaý bastalady

ASTANA. KAZINFORM –  «Otbasy bank» aktsıonerlik qoǵamynyń basqarma tóraıymy Lázzat Ibragımova Senatta ótip jatqan parlamenttik tyńdaýda «Naýryz jumysker» baǵdarlamasy qashan bastalatynyn aıtty.

- Kelesi aptada, 5 naýryzdan bastap «Otbasy bank» «Naýryz» baǵdarlamasyna» ótinishterdi qabyldaımyz. Oǵan barsha qazaqstandyqtar, úı kezeginde turǵan osal top ókilderi, jumys isteıtin jastar, jas otbasylar, turǵyn úı tólemderin alýshylar, «Otbasy bank» salymshylary, mono qalalardyń, aýdan ortalyqtarynyń, aýyldardyń turǵyndary qatysa alady, - dedi ol.

Aıtýynsha, baǵdarlama shartynda «Otbasy bankte» ashqan depozıttiń merzimi mańyzdy emes. Keıingi alty aı ishinde resmı tabysy bolý kerek.

- 17 naýryzdan bastap «Naýryz jumysker» baǵdarlamasyn iske qosamyz. Ol – «Naýryz» baǵdarlamasynyń bir bóligi, - dedi Lázzat Ibragımova.

Aıta keteıik, Qarmet basshysy «Naýryz jumysker» ıpotekalyq baǵdarlamasyn Qaraǵandy oblysynan bastaýdy surady.