17 naýryzda aýa raıy jyly bolady
ASTANA. KAZINFORM – «Kazgıdromettiń» boljamynsha Qazaqstannyń basym aýmaǵynda joǵary atmosferalyq qysymnyń áserinen jaýyn-shashynsyz jyly aýa raıy kútiledi.
Tek elimizdiń batys aımaǵynda atmosferalyq frontaldy bólimderdiń ótýine baılanysty turaqsyz aýa raıy saqtalýy múmkin. Jańbyr men qar jaýý yqtımaldyǵy joǵary. Túnde elimizdiń ońtústik-shyǵys óńirlerinde nóserli jańbyr jaýady dep boljanǵan.
QR boıynsha tuman shógip, jel kúsheıýi múmkin. Batysta kóktaıǵaq, shańdy burqasyn bolady.
