17 myńnan astam qutqarýshy attestattaýdan ótedi
ASTANA. 11 mamyr. QazAqparat - QR Tótenshe jaǵdaılar mınıstrliginiń 17 myńnan astam qyzmetkeri kezekten tys attestattaýdan ótedi.
Bul týraly búgin atalǵan mınıstrliktiń Kadrlyq qamtamasyz etý departamentiniń bastyǵy Erjigit Kúltaev málim etti.
Onyń atap ótýinshe, Ortalyq apparattyń - 41, Órtke qarsy qyzmet komıtetiniń - 30, «Respýblıkalyq daǵdarys ortalyǵy» memlekettik mekemesiniń - 20, Kókshetaý tehnıkalyq ınstıtýtynyń 115 qyzmetkeri, sondaı-aq oblystyq, Astana men Almaty qalalyq tótenshe jaǵdaılar departamentteriniń 1678 qutqarýshysy men óńirlik departamentterge qarasty «Órt sóndirý qyzmeti jáne apattyq qutqarý jumystary qyzmeti» memlekettik mekemesiniń 15 213 mamany attestattaýdan ótedi.
«Al QR Prezıdenti janyndaǵy Joǵary attestattaý komıssııasy 20 qyzmetkerdi attestattaıdy», - deıdi ol.
