17 myńnan astam ga JTQ jer telimderi memlekettik menshikke qaıtaryldy - QR Óńirlik damý mınıstrligi
ASTANA. 14 qarasha. QazAqparat - Jeke turǵyn úı qurylysyna (JTQ) usynylǵan jer telimderin tekserý nátıjesi boıynsha memlekettik menshikke 17,1 myń jer telimi qaıtaryldy, dep habarlady óńirlik damý mınıstriniń birinshi orynbasary Qaıyrbek Óskenbaev Primeminister.kz saıtyna bergen eksklıýzıvti suhbatynda.
«Qazirgi ýaqytta 17,1 myń JTQ jer telimi memlekettik menshikke qaıtarylǵan», - dedi Q.Óskenbaev.
Budan ózge, esepte, paıdalanylmaıtyn múlik retinde 8,9 myń jer telimi bar, onyń ishinde 430 jer telimine qujattar ákimdikterge memlekettik menshikti rásimdeý úshin baǵyttalǵan.
Ol tekserý nátıjesi boıynsha sondaı-aq paıdalanylmaıtyn jáne zańnamany buzý arqyly paıdalanylatyn 44 myń jer telimi anyqtalǵanyn eske túsirdi.
"Tek qana Ońtústik Qazaqstan oblysynda taǵy da osyndaı 8,8 myń jer telimi anyqtalǵan. Respýblıka boıynsha problemalyq jer telimderiniń jalpy sany onyń jalpy sanynan 17 %-yn quraıdy", - dep atap ótti Q.Óskenbaev
Barlyǵy 2013 jyly jer ınspektsııalary 10,4 myń baqylaý tekserý ótkizdi, 1978 materıal boıynsha talaptar sot organdaryna engizilgen, 263 boıynsha talap qanaǵattandyrylǵan.
