17 myń shetel azamaty kóshi-qon zańnamasyn buzǵan
ASTANA. QazAqparat - Ýchaskelik polıtsııa ınspektorlarynyń halyqpen ózara is-qımyl jasasý tıimdiligin arttyrý maqsatynda 5 qyrkúıek - 5 jeltoqsan aralyǵynda elimizdiń aýmaǵynda «Ýchaske» jedel-profılaktıkalyq is-sharasy ótkizildi. Bul týraly QazAqparat ІІM baspasóz qyzmetine silteme jasap habarlaıdy.
Іs-shara sheńberinde jergilikti polıtsııa qyzmetiniń ýchaskelik polıtsııa ınspektorlary páterlerdi jáne aýlalardy aralady, azamattyq qarýdy saqtaý jaǵdaılary, sondaı-aq ishki ister organdarynda esepte turǵan adamdardy tekserdi.
Ýchaskelik polıtsııa ınspektorlary qyzmet kórsetetin ýchaskede ornalasqan óndiris obektileri, uıymdar jáne mekemelerdi tekserdi.
Polıtsııa bólinisteriniń kúshterimen saıajaı jáne kólikjaı qoǵamdastyqtarynyń aýmaqtary, bos qalǵan ǵımarattar men qurylystardyń aýmaqtary, jylý trassalary men qudyqtar jáne t.b. tekserdi.
«Ýchaske» operatsııasynyń basynan bastap 4 mln 307 myńnan astam turǵyn úı men saıajaılardy aralap shyqty. Nátıjesinde 232 myńnan astam ákimshilik quqyq buzýshylyq anyqtaldy, onyń ishinde 28 myńnan astam tirkeýsiz turý faktisi, 17 myńnan asatyn shetel azamattarynyń kóshi-qon zańnamasyn buzýy, onyń ishinde 1,7 myńnan astam shetel azamaty sot sheshimi boıynsha elimizden shyǵaryldy.
