1,7 mlrd teńge jymqyryp, sottalǵan rektordyń jazasy jeńildemeıtin boldy

Almaty oblystyq soty Halyqaralyq aqparattyq tehnologııalar ýnıversıtetiniń burynǵy rektory Damır Shynybekovke qatysty prokýrordyń jeke ótinishin qarady, dep habarlaıdy Kazinform. 

Apellıatsııalyq ınstantsııa Shynybekovty eń tómengi qaýipsizdik mekemesine aýystyrý týraly sot úkimniń kúshin joıyp, prokýrordyń jeke ótinishi qanaǵattandyryldy.

«Sot qaýlysy oryndaý úshin Almaty qalasy, Almaty jáne Jetisý oblystary boıynsha Qylmystyq atqarý júıesi departamentine joldandy», - dep habarlady Almaty oblystyq sotynyń baspasóz qyzmetinen.

Eske salaıyq, 2020 jyly №2 Bostandyq aýdandyq soty ýnıversıtettiń burynǵy rektory Damır Shynybekov pen burynǵy esepshi Janaıym Spabekovany bas bostandyǵynan aıyrý týraly úkim shyǵardy. Sýdıa sottalýshylardyń árqaısysyn 8 jylǵa bas bostandyǵynan aıyrdy. Sonymen qatar ekeýiniń de múlki tárkilendi.

Aıta keteıik osydan úsh jyl buryn eks-rektorǵa qatysty QR QK 189-babynyń 4-bólimimen qylmystyq is qozǵalǵan edi.

Damır Shynybekov pen esepshi Janaıym Spabekovaǵa 1,7 mlrd teńgeni jymqyrdy degen aıyp taǵylǵan bolatyn.