17 mln aýǵan azamatyna ashtyq qaýpi tónip tur

ASTANA. KAZINFORM – Aýǵanstan apat tónip tur. Osy qysta 17 mıllıonnan astam adam ashtyqtan qaza tabýy múmkin. BUU-nyń Dúnıejúzilik azyq-túlik baǵdarlamasy dabyl qaǵyp otyr, óıtkeni kóptegen otbasy birneshe kún boıy as-aýqatsyz otyr, dep habarlaıdy BILD.

— Bizdiń toptarymyz otbasylardyń birneshe kún boıy tamaq ishpeı, aman qalý úshin eń shekten shyqqan sharalarǵa baryp jatqanyn kórip otyr. […] Balalar arasyndaǵy ólim-jitim artyp keledi, al aldaǵy aılarda jaǵdaı odan ári ýshyǵýy múmkin, — dedi DAB-tyń Aýǵanstandaǵy dırektory Djon Eılıff.

DAB-tyń málimetinshe el ekonomıkalyq daǵdarystan, sondaı-aq qýańshylyq pen jer silkinisteriniń saldarynan qatty zardap shegip otyr. Azyq-túlik burynnan tapshy bolsa, endi oǵan kórshiles elderden aýǵan azamattarynyń jappaı deportatsııalanýy saldarynan mıllıondaǵan bosqynnyń oralýy qosyldy. Olardyń kópshiligi ábden álsiregen jáne eshteńesiz qalǵan. Alaıda gýmanıtarlyq kómek kólemi artyp jatqan joq, kerisinshe qysqaryp barady.

— Aýǵanstandaǵy daǵdarysty qaıtadan qoǵamdyq nazardyń ortasyna shyǵarýymyz qajet, sonda eń osal aýǵan azamattary ózderine laıyqty nazar men kómekti ala alady, — dep DAB dırektory Djon Eılıff halyqaralyq qaýymdastyqqa úndeý tastady.

Aıta ketelik Memleket basshysy Aýǵanstanǵa kómek kórsetýdi jalǵastyrý qajet dep esepteıdi.