17 myńnan astam jetim bala otbasylarda tárbıelenip jatyr
ASTANA. KAZINFORM – Elimizde 17 660 jetim bala qazaqstandyq otbasylarda tárbıelenip jatyr. Bul týraly QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova aıtyp berdi.
«Bizdiń mindetterimizdiń biri – balalardyń otbasynda ómir súrý jáne tárbıelený quqyǵyn qamtamasyz etý. Elimizde 21 387 jetim balanyń 17 660-y qazaqstandyq otbasylarda tárbıelenýde. Jyl saıyn Qazaqstan azamattary otbasyna myńnan astam jetim balany qabyldaıdy. Biz balalar úılerin azaıtýdy jalǵastyramyz jáne 3 jylda olardyń sany 21 uıymǵa azaıdy», - dedi N. Ospanova Ortalyq kommýnıkatsııalar qyzmetinde ótken baspasóz máslıhatynda.
Nasymjan Ospanova Ulytaýda 5 jyl boıy quldyqta bolǵan balalardyń qalaı anyqtalǵanyn aıtqan edi.
17 aqpanda Ulytaý oblysynda 5 jyl boıy fermada jumysqa jegilip, «quldyqta» bolǵan balalar qutqaryldy.
