17 myń áskerı qyzmetshige «kredıttik demalys» berildi — Qorǵanys mınıstrligi
ASTANA. KAZINFORM — Áskerı boryshyn óteý barysynda erekshe kózge túsken 1029 azamat bilim grantymen joǵary oqý ornynda bilim alýǵa múmkin alǵan. Bul týraly OKQ-da ótken baspasóz máslıhatynda QR Qarýly Kúshteri Bas shtaby bastyǵynyń orynbasary Sáken Júsipov aıtty.
Áskerı qyzmettiń tartymdylyǵyn arttyrý boıynsha jumystar jalǵasýda. Bul, eń aldymen, bilim berý sektoryndaǵy jeńildikter men nesıelik demalystarǵa qatysty mán-jaı túsindirildi.
— Sonymen qatar 17 myń áskerı qyzmetshige 6,6 mlrd teńgege «kredıttik demalys» berildi, - dedi spıker.
Sonymen qatar general-maıor qyzmet kezinde merzimdi sarbaz eńbek naryǵynda suranysqa ıe jumysshy mamandyǵyn ıgerýge múmkindik alatynyn aıtty. Oqytý tıisti sertıfıkattar berýmen ótedi.
Eske sala keteıik, bıyl ásker qataryn 20 myńnan astam azamat tolyqtyratynyn jazǵan bolatynbyz.