17 mekteptiń qurylysy 2017 jyldyń enshisine qalyp otyr - OQO
Sessııa jumysyna oblys ákimi Janseıit Túımebaev, oblystyq máslıhat depýttary men oblys ákiminiń orynbasarlary, basqarma basshylary jáne aýdan, qala ákimderi, buqaralyq aqparat quraldarynyń ókilderi qatysty.
Sessııanyń kún tártibinde 2017-2019 jyldarǵa arnalǵan oblystyq bıýdjet pen OQO ІІD jergilikti polıtsııa qyzmetiniń atqarylǵan jumystar esebi, turaqty komıssııanyń quramyna ózgerister engizý jaıy men máslıhattyń 2017 jylǵa arnalǵan jumys jospary, birqatar óńirlik keńestiń derbes quramyn bekitý syndy 25 másele qaraldy.
Jıynda «Nurly jol» baǵdarlamasynyń oryndalýy boıynsha baıandaǵan oblys ákiminiń orynbasary Erbol Sadyr Ulttyq qor esebinen 4 baǵyt boıynsha 49 nysannyń qurylysyn júrgizý úshin 24 546,6 mln. teńge qaralǵanyn málim etti. Onyń aıtýynsha, búginge deıin atalǵan qarjynyń 22 881,7 mln. teńgesi ıgerilgen. Al, qalǵan 1664,9 mln teńgesi jyl sońyna deıin tolyq jumsalatyn bolady.
Jyl basynda óńirimizde jalpy quny 12 mlrd. 973 mln. teńgeni quraıtyn 26 mektep pen 1 balabaqshanyń qurylysy júrgizilipti. Baǵyttalǵan qarjynyń 98 paıyzy ıgerilip, nátıjesinde 9 mektep pen 1 balabaqsha paıdalanýǵa berilgen. «Al qalǵan 17 mekteptiń qurylysy 2017 jyldyń enshisine qalyp otyr», - dedi ákim orynbasary.
Sondaı-aq Erbol Sadyr memlekettik baǵdarlamalardy júzege asyrýǵa bólingen qarjy jyl sońyna deıin tolyǵymen ıgeriletinin jetkizdi.
Altynshy shaqyrylymdaǵy oblystyq máslıhatynyń kezekti sessııasynda óńirdiń ósip órkendeýine súbeli úles qosyp júrgen birqatar halyq qalaýlylary Ońtústik Qazaqstan oblysynyń Qurmet gramotasymen marapattaldy.