17 maýsymda respýblıkanynyń soltústiginde, shyǵysynda jáne ortalyq bóliginde jańbyr jaýyp, naızaǵaı oınaıdy
ASTANA. QazAqparat - Qazaqstannyń soltústik, ortalyq jáne shyǵys aımaqtarynda atmosferalyq aǵyndardyń ótýine baılanysty qubylmaly aýa raıy saqtalady, keı jerlerde jańbyr jaýyp, naızaǵaı oınaıdy.
Bul týraly Qazgıdromet habarlady.
Respýblıkanyń batysy men ońtústiginde aýa raıy ashyq bolady.
Respýblıkanyń ońtústik jáne ońtústik batys óńirlerinde jel kúsheıedi.
Jambyl, Ońtústik Qazaqstan, kúndiz Qyzylorda jáne Mańǵystaý oblystarynyń keı jerlerinde jel 15-20 m/s-qa deıin kúsheıedi.
Atyraý, Batys Qazaqstan, Aqtóbe oblystarynda, Mańǵystaý, Qyzylorda, Qostanaı oblystarynyń keı jerlerinde aptap ystyq bolady.
Atyraý, Ońtústik Qazaqstan oblystarynyń basym bóliginde, Batys Qazaqstan, Aqtóbe, Qyzylorda, Qaraǵandy, Jambyl jáne Almaty oblystarynyń keı jerlerinde óte joǵary órt qaýipi saqtalady.
