17 mamyrǵa arnalǵan aýa raıy boljamy
ASTANA. 17 mamyr. QazAqparat - Búgin elimizdiń basym aýmaǵymen atmosferalyq frontaldy bólikterdiń ótýimen kún jańbyrly bolady dep kútilýde.
Respýblıkamyzdyń soltústiginde keı jerlerde nóser quıyp, naızaǵaı oınaıdy, jel kúsheıedi. Memleketimizdiń ońtústiginde, ońtústik-batysynda kún ashyq. Bul týraly Qazgıdrometke silteme jasap QR TJM-niń baspasóz qyzmetinen habarlady.
Atap aıtqanda, Soltústik Qazaqstan, Shyǵys Qazaqstan, Qyzylorda, kúndiz Aqmola, Mańǵystaý, Batys Qazaqstan, Qostanaı oblystarynyń keı aýmaqtarynda jeldiń ekpini sekýndyna 15-20 metrge jetedi, Qyzylordada shańdy daýyl turady.
Kúndiz Batys Qazaqstan men Atyraý oblystarynda keı jerlerde qatty ystyq bolady dep kútiledi. Elimizdiń batysynda, ońtústiginde, ońtústik-batysynda, shyǵysynda jáne ortalyǵynda joǵary órt qaýpi saqtalady.
Jaqyn táýlikter ishinde ońtústiktiń, ońtústik-batystyń jáne shyǵystyń taýly ózenderinde sýdyń kólemi aýytqıdy. Syrdarııa ózeniniń Ońtústik Qazaqstan men Qyzylorda oblystary ornalasqan aýmaqta aǵynnyń rettelýine baılanysty sýdyń kólemi qubylady. Elimizdiń basqa sý nysandarynda gıdrologııalyq rejımde aıtarlyqtaı ózgerister baıqalmaıdy.
