17 mamyrda elimizdiń birqatar óńirinde aýa raıyna baılanysty eskertý jarııalandy
ASTANA. KAZINFORM — Qazaqstannyń basym bóliginde aýa raıyna baılanysty eskertý jarııalandy, dep habarlaıdy «Qazgıdromet» RMK baspasóz qyzmeti.
Boljam boıynsha, jeksenbi kúni elimizdiń kóp bóliginde jaýyn-shashynsyz aýa raıy saqtalady. Alaıda batys, ońtústik-batys, soltústik-shyǵys jáne ońtústik-shyǵys taýly aımaqtarda atmosferalyq fronttardyń qozǵalysyna baılanysty naızaǵaı oınap, jańbyr jaýady. Kúndiz ońtústik-batysta nóser jańbyr kútiledi, shyǵys óńirlerde jańbyr men qar jaýýy yqtımal.
Respýblıkada jeldiń kúsheıýi, ońtústik, batys jáne ońtústik-batysta shańdy daýyldyń turýy, sondaı-aq soltústik, shyǵys jáne ońtústik-batysta túnde jáne tańerteń tumannyń bolýy boljanyp otyr.
Túnde Shyǵys Qazaqstan oblysynyń soltústik jáne shyǵys aımaqtarynda, sondaı-aq Abaı oblysynyń batysynda úsik túsip, topyraq beti qatyp, temperatýra -2 gradýsqa deıin tómendeıdi.
Atyraý oblysynyń soltústik-batysy, Mańǵystaý oblysynyń soltústik-shyǵysy, Qostanaı oblysynyń ortalyǵy, Pavlodar oblysynyń batysy, shyǵysy jáne ońtústigi, Qyzylorda oblysynyń soltústigi, Túrkistan jáne Qaraǵandy oblystarynyń batysy men soltústigi, Jambyl jáne Almaty oblystarynyń batysy, Shyǵys Qazaqstan oblysynyń ortalyǵy, Aqmola men Ulytaý oblystarynyń ońtústigi, Abaı oblysynyń shyǵysy, Atyraý oblysynyń ońtústigi, Aqmola oblysynyń soltústigi men ortalyǵynda joǵary órt qaýpi saqtalady.
Sonymen qatar Qyzylorda oblysynda, Aqtóbe men Qaraǵandy oblystarynyń ońtústiginde, Jetisý oblysynyń ońtústik-shyǵysynda, Pavlodar jáne Ulytaý oblystarynyń shyǵys aımaqtarynda tótenshe órt qaýpi kútiledi.
Buǵan deıin ShQO-da jazdyń alǵashqy aıynda aýa raıy qandaı bolatynyn jazǵanbyz.
