17 qyrkúıekte ótetin mańyzdy sharalar ańdatpasy
NUR-SULTAN. QazAqparat – «QazAqparat» Halyqaralyq aqparat agenttigi 17 qyrkúıek kúni elordada ótetin mańyzdy sharalar ańdatpasyn usynady.
NUR-SULTAN
10.30-da «Azııa Park» saýda ortalyǵynyń turaǵynda Qazaqstandaǵy Eýropalyq Odaq Ókildigi jáne Estonııa Elshiligi, Dúnıejúzilik tazalyq kúni qarsańynda EO klımattyq dıplomatııasy men #EUBeachCleanup ekologııalyq naýqany aıasynda Qarasý ózenin tazalaý is-sharasyna qatysýǵa shaqyrady.
12.00-de elordalyq «Qazanat» ıppodromynda at marafonynyń saltanatty ashylýy men qatysýshy komandalardy tanystyrý rásimi ótedi. Sharaǵa Parlament Májilisiniń tóraǵasy Erlan Qoshanov, Mádenıet jáne sport mınıstri Dáýren Abaev, Parlament depýtattary men elimizdiń belgili qoǵam qaıratkerleri qatysady.
19.00-de «Astana» halyqaralyq qarjy ortalyǵynda «Qazaqstan shahmat federatsııasy» respýblıkalyq qoǵamdyq birlestigi FIDE áıelder gran-prıiniń birinshi kezeńin ashady.
19.00-de Qazaqstan Ortalyq kontsert zalynda The World of Hans Zimmer kontserti kórsetiledi.
