17 qyrkúıek. Týǵan kún ıeleri

ESІMDER

138 jyl buryn (1880-1919) aqyn SABALULY Aqylbek dúnıege keldi.

Qazirgi Shyǵys Qazaqstan oblysynyń Besqaraǵaı aýdanynda týǵan. Ahmet Rıza mektebinde oqyp, parsy, arab, túrik tilderin jetik bilgen. Aqyndyq ónerde Abaıdy ustaz tutqan. Shyǵys ádebıetiniń qıssa-hıkaıalaryn aýdaryp, qazaq jazba ádebıetiniń taqyryp kólemin keńeıtken, oqıǵaly poema-dastandar jazyp baıytqan. «Tahır - Zýhra», «Bozjigit», «Ibrahım», «Hıkmet Nıǵmet», «Qyryq ýázir», «Altyn balyq», «Dandan ǵashyq» qıssalardyń, «Maǵshuqname» - jastyq-mahabbat jaıyndaǵy óleńder, «Nazym», «Sum zaman», «Ǵıbratnama», «Sátbek batyr» atty shyǵarmalardyń avtory. Óz qolynan jazǵan eńbekterinen úsh qoljazbasy bar. Óleń-jyrlarynyń negizgi taqyryby adamgershilik, adaldyq, ádilettik, óner-ǵylym máseleleri. Onyń kitaptary Máskeý, Sankt-Peterbor, Qazan qalalarynyń úlken kitaphanalarynda saqtalǵan. Beıiti Jalqaıyń baýraıyndaǵy Saryoı degen jerde.

100 jyl buryn (1918-1980) medıtsına ǵylymynyń doktory, professor, Qazaqstannyń eńbek sińirgen dárigeri, Respýblıkada onkologııalyq zertteýlerdiń negizin salǵan ǵalymdardyń biri NUǴYMANOV Serik Nuǵymanuly dúnıege keldi. Shyǵys Qazaqstan oblysynyń Aıakóz aýdanynda týǵan. Qazaq memlekettik medıtsına ınstıtýtyn bitirgen. 1947-1959 jyldary Qazaq memlekettik medıtsına ınstıtýty akýsherlik jáne gınekologııa kafedrasynyń dotsenti, meńgerýshisi qyzmetterin atqarǵan. 1960 jyly ashylǵan Qazaq onkologııa jáne radıologııa ǵylymı-zertteý ınstıtýtynyń tuńǵysh dırektory bolǵan. Ǵalymnyń negizgi ǵylymı eńbekteri onkologııa máselelerine arnalǵan. Ol Qazaqstanda qaterli isikterdiń paıda bolýy men taralý erekshelikterin anyqtaǵan. Qaterli isikterdi hırýrgııalyq jolmen, sáýle túsirý ádisimen, osy eki ádistiń ekeýimen birdeı emdeýdi jáne bulardyń pármendiligin arttyrýdy jetildirgen. «Qyzyl Juldyz» ordenimen marapattalǵan.
85 jyl buryn (1933-2011) otandyq qylmystyq quqyq jáne krımınologııa ǵylymynyń negizin qalaýshylardyń biri, Qazaqstan krımınologııalyq qaýymdastyǵynyń qurmetti professory QAIYRJANOV Elegen Іztileýuly dúnıege keldi.
74 jyl buryn (1944) memleket jáne qoǵam qaıratkeri BAINAZAROV Ǵalym dúnıege keldi.
Torǵaı oblysy Jangeldın aýdanynda týǵan. 1969 j. AHShI-dy bitirgen, ekonomıst. 1969-76 jj. - Memlekettik banki Torǵaı bólimshesiniń nesıe ınspektory, basqarýshysy. 1976-85 jj. - Memlekettik banki Arqalyq qalalyq basqarmasynyń bastyǵy. 1985-87 jj. - KSRO Memlekettik bankiniń Qazaq respýblıkalyq keńsesiniń basqarma bastyǵynyń orynbasary, bastyǵy. 1987-92 jj. - Qazagroónerkásip banki tóraǵasynyń 1-shi orynbasary. 1992-93 jj. - QR Ulttyq bankiniń Basqarma tóraǵasy. 1994-95 jj. - QR Premer-mınıstriniń keńesshisi. 1995-96 jj. - QR Prezıdenti Ákimshiliginiń ekonomıkalyq saıasat bóliminiń keńesshisi. 1996-98 jj. - «Qazposhtabank» JAQ sheteldik ınvestıtsııalar departamentiniń dırektory. 1997-98 jj. - «ATREM» qarjy-ınvestıtsııalyq kompanııasynyń bas dırektory. 1998-2002 jj. - Qazaqstan saqtandyrýshylary odaǵynyń tóraǵasy. 1999-2002 jj. - «Halyqtyq jınaqtaýshy zeınetaqy qory» JAQ prezıdenti. 2000-02 jj. - QR Kólik quraldarynyń júrgizýshileri odaǵynyń Ortalyq keńesi tóraǵasynyń keńesshisi. 2002-2004 jyldary QR Parlamenti Májilisiniń depýtaty, 2005-2007 jyldary QR Parlamenti Májilisi tóraǵasy hatshylyǵynyń meńgerýshisi boldy. «Parasat» ordenimen, (2005); «Memlekettik bank úzdigi» belgisimen, gramotalarmen marapattalǵan.

70 jyl buryn (1948) Qazaqstannyń memleket qaıratkeri, Qazaqstan Respýblıkasynyń dıplomatııalyq qyzmetine eńbegi sińgen qaıratker PІRІMBETOV Serik Dostanuly dúnıege keldi.

50 jyl buryn (1968) Qazaqstan Respýblıkasy Aýyl sharýashyly mınıstrliginiń jaýapty hatshysy MAMYTBEKOV Asyljan Sarybaıuly dúnıege kelgen.

Ońtústik Qazaqstan oblysynyń Shymkent qalasynda dúnıege kelgen. Ál-Farabı atyndaǵy Qazaq memlekettik ýnıversıtetin jáne Qazaq Memlekettik Basqarý akademııasyn támamdaǵan. 1998-1999 jyldary - Qostanaı oblysynyń jer resýrstaryn basqarý jónindegi komıteti tóraǵasynyń orynbasary. 1999 jyly - Qostanaı oblystyq qarjy basqarmasy bastyǵynyń orynbasary. 1999-2000 jyldary - Qostanaı oblystyq Qarjy departamenti dırektorynyń orynbasary. 2000-2003 jyldary - Qazaqstan Respýblıkasy Qarjy mınıstrligi Qostanaı oblystyq Qazynashylyq basqarmasynyń bastyǵy. 2003-2004 jyldary - Qostanaı oblysy ákiminiń orynbasary. 2004-2006 jyldary -. Astana qalasy ákiminiń orynbasary. 2006-2007 jyldary - Ońtústik Qazaqstan oblysy ákiminiń orynbasary. 2007-2008 jyldary - Qazaqstan Respýblıkasy Premer-Mınıstri Keńsesi Basshysynyń orynbasary. 2008-2011 jyldary - «QazAgro» ulttyq basqarýshy holdıngi» AQ Basqarma Tóraǵasy. Qazaqstan Respýblıkasynyń Aýyl sharýashylyǵy mınıstri (2011-2016).

Qazirgi laýazymyn atqarýǵa 2018 jylǵy mamyr aıynda kiristi.

«Qurmet» ordenimen marapattalǵan.

50 jyl buryn (1968) Eýrazııalyq ekonomıkalyq komıssııanyń ekonomıka jáne qarjy saıasaty jónindegi mınıstri, Eýrazııalyq ekonomıkalyq komıssııanyń Qazaqstan Respýblıkasy atynan múshesi JAQSYLYQOV Tımýr Mekeshuly dúnıege kelgen.

Ol Shyǵys Qazaqstan oblysynda týǵan. 1993 jyly M.V. Lomonosov atyndaǵy MMÝ «Tarıh» mamandyǵy boıynsha bitirgen. 1997 jyly - Strasbýrg saıası zertteýler ınstıtýtynyń (Frantsııa) magıstratýrasyn Eýropalyq zertteýler salasynyń magıstri dárejesi berilip, bitirgen. 2003 jyly Qazaq ekonomıka jáne qarjy ınstıtýtyn «Ekonomıka» mamandyǵy boıynsha bitirgen. 

Eńbek jolyn 1993 jyly Semeı bıznes jáne kásipkerlik ınstıtýtynyń atqarýshy dırektory laýazymynan bastaǵan; Qazaqstan Respýblıkasy Strategııalyq josparlaý jáne reformalar jónindegi agenttiginiń bas mamany, bólim basshysy (1997-1998); Qazaqstan Respýblıkasynyń Prezıdenti Ákimshiliginiń Taldaý jáne strategııalyq zertteýler sektorynyń meńgerýshisi (1998-1999); Qazaqstan Respýblıkasynyń Qaýipsizdik Keńesi Taldaý ortalyǵynyń sektor meńgerýshisi (1999-2002); Qazaqstan Respýblıkasynyń Prezıdenti Ákimshiliginiń Júıelik zertteýler ortalyǵy jetekshisiniń orynbasary (2002-2003); Qazaqstan Respýblıkasy Indýstrııa jáne saýda mınıstrliginiń DSU-ǵa kirý jónindegi departamentiniń dırektory laýazymyn atqarǵan, Jenevadaǵy Dúnıejúzilik saýda uıymy máseleleri jónindegi ókilder tobyn basqarǵan (2003-2005); «MTZO» AQ atqarýshy dırektory (2005-2006); Qazaqstan Respýblıkasy Ekonomıka jáne bıýdjettik josparlaý mınıstrliginiń «Ekonomıkalyq zertteýler ortalyǵy» RMK dırektorynyń mindetin atqarýshy (2006); «Elordany turaqty damytý ortalyǵy» MQK, JShS dırektory (2006-2007); Astana qalasy ákimdiginde Ekonomıka jáne bıýdjettik josparlaý departamentiniń dırektory, Astana qalasy ákiminiń orynbasary (2007-2009); Qazaqstan Respýblıkasynyń ındýstrııa jáne saýda vıtse-mınıstri (2009-2010); Qazaqstan Respýblıkasy Indýstrııa jáne jańa tehnologııalar mınıstrliginiń Investıtsııalar komıtetiniń tóraǵasy (2010); «Qazaqstannyń ınvestıtsııalyq qory» AQ Basqarma tóraǵasy (2010-2012); Qazaqstan Respýblıkasynyń ekonomıkalyq damý jáne saýda vıtse-mınıstri (2012-2014); Qazaqstan Respýblıkasynyń ulttyq ekonomıka vıtse-mınıstri (2014-2017).

Qazirgi laýazymyn 2017 jyldan beri atqaryp keledi.

47 jyl buryn (1971) «Azyq-túlik korporatsııasy» UK» AQ basqarma tóraǵasy MALELOV Nurlybek Tólebaıuly dúnıege keldi. Torǵaı oblysy Amangeldi aýdany Amangeldi kentinde dúnıege keldi. E.A. Býketov atyndaǵy Qaraǵandy memlekettik ýnıversıtetin bitirdi. 1995-1997. «Týran Bank» valıýta operatsııalarynyń mamany, Arqalyq qalasy. 1997-1998. «Bank TýranAlem» JAQ Nesıelendirý bóliminiń jetekshi mamany, bas mamany, bastyǵy, Arqalyq qalasy.. 1999-2002. «Almaty saýda-qarjy banki» JAQ bólim bastyǵy, Astana qalasy. 2002-2004. «Almaty saýda-qarjy banki» JAQ fılıal dırektorynyń orynbasary, Astana qalasy. 2004-2006. «Almaty saýda-qarjy banki» JAQ fılıalynyń dırektory, Almaty qalasy 2006-2007. «Alıans bank» AQ basqarma tóraǵasynyń keńesshisi 2007-2009. «ASTANA CAPITAL Investment Group» ınvestıtsııalyq kompanııasynyń dırektory, Almaty qalasy. 2009 bastap. «QazAgro» ulttyq basqarýshy holdıngi» AQ basqarýshy dırektory - Basqarma múshesi. 2011-2012 jyldary «QazAgroQarjy» AQ basqarma tóraǵasy. Qazirgi qyzmetinde - 2012-2015 jyldary «Agrarlyq kredıt korporatsııasy» AQ basqarma tóraǵasy. 2015-2018 jyldary - «QazAgro» Ulttyq basqarýshy holdınginiń basqarma tóraǵasy. 2018 jylǵy maýsymnan beri qazirgi qyzmetinde.

32 jyl buryn (1986) Qurmanǵazy atyndaǵy Qazaq ulttyq konservatorııasynyń rektory JÚDEBAEV Arman Ádilhanuly dúnıege kelgen.

Ol Almaty oblysynda týǵan. Ahmet Jubanov atyndaǵy daryndy balalarǵa arnalǵan mýzykalyq orta mektep ınternatynyń túlegi. 2004 jyly Qurmanǵazy atyndaǵy Qazaq ulttyq konservatorııasynyń halyq mýzyka fakýltetin dombyra mamandyǵy boıynsha jáne 2005 jyly qosymsha dırıjer mamandyǵymen bitirgen. 2011 jyly Ónertaný magıstri akademııalyq dárejesin alady.

Eńbek joly:  Qurmanǵazy atyndaǵy Qazaq ulttyq konservatorııasynda oqytýshy qyzmetimen qatar, stýdenttik ult aspaptary orkestiriniń kórkemdik jetekshisi jáne bas dırıjeri (2009-2013); 2013 jyldyń kyrkúıeginen bastap Qurmanǵazy atyndaǵy Qazaq memlekettik akademııalyq halyq aspaptary orkestriniń bas dırıjeri qyzmetin atqarǵan. «Daryn» Memlekettik jastar syılyǵynyń ıegeri.