17 qyrkúıek kúni elimizde ótetin mańyzdy sharalar ańdatpasy

NUR-SULTAN

10.00-de Senattyń kezekti otyrysy bolady. Senat otyrysy palatanyń parlam.kz saıtynda onlaın rejımde kórsetiledi.

10.30-da Dúnıejúzilik sý sapasyn baqylaý kúni qarsańynda Ekologııa, geologııa jáne tabıǵı resýrstar mınıstrligi Nur-Sultan qalasyndaǵy «Qazgıdromet» zerthanasyna press-týr ótkizedi.

11.00-de «Halyqtyń qaryz júktemesi máseleleri týraly» taqyrybynda dóńgelek ústel ótedi.

Sharaǵa QR Parlamenti Májilisiniń «Halyqtyq kommýnıster» fraktsııasy depýtattary, Ekonomıka mınıstrliginiń, Eńbek jáne halyqty áleýmettik qorǵaý mınıstrliginiń, jergilikti atqarýshy organdardyń, qalalyq komıtettiń jáne ekinshi deńgeıli bank ókilderi qatysady.

12:30-da «Tańdaýly opera paraqtary» merekelik kontsertine daıyndyq qarsańynda «Astana Operada» baspasóz týry ótedi.

16.00-de turǵyndarǵa pesh ornatqan kezde órt qaýipsizdigi talaptaryn túsindirý boıynsha reıd ótkiziledi.

20.00-de Instagram-daǵy @kazautozhol paraqshasynda «QazAvtoJol» UK» AQ basqarma tóraǵasynyń orynbasary Arman Júsipovpen «Qazaqstannyń jol salasyndaǵy kadrlyq saıasatty iske asyrý» taqyrybynda tikeleı efır ótedi.

ALMATY

15.00-de Almaty qalasyndaǵy qoǵamdyq keńeste «Jetisý aýdanynyń aktıvimen aýdannyń áleýmettik mańyzdy máselelerin talqylaý» taqyrybynda onlaın otyrys ótedi.