17 qyrkúıek kúni Almatyda Ortalyq Azııadaǵy eń iri kórme bastalady
ALMATY. KAZINFORM – 17 qyrkúıek kúni Almaty Ortalyq Azııadaǵy taý-ken metallýrgııa ındýstrııasynyń ortalyǵyna aınalady. Munda óńirdegi eń aýqymdy kórme – Mining & Metals Central Asia 2025 óz jumysyn bastaıdy.
Kórmege 30 elden 515 kompanııa qatysyp, myna baǵyttar boıynsha zamanaýı jabdyqtar men tehnologııalardy usynady:
- ashyq jáne jerasty ken jumystary;
- rýdalardy baıytý, metallýrgııa jáne metal óńdeý;
- taldaý jáne zerthanalyq zertteýler;
- geologııalyq barlaý;
- ónerkásiptik qaýipsizdik;
- arnaıy baǵdarlamalyq qamtamasyz etý.
Іs-shara 17-19 qyrkúıek aralyǵynda «Atakent» kórme ortalyǵynda ótedi. Ekspozıtsııa 8, 9, 10, 11-pavılondarda jáne kóshe alańynda ornalasady. Kórmege tegin bılet alý úshin mining-metals.kz saıtynda MMC2025MPS promokodyn qoldanýǵa bolady.
Sonymen qatar «Jol jáne ónerkásiptik qurylys, kommýnaldyq tehnıka» – KAZCOMAK 2025 kórmesi uıymdastyrylady.
Іskerlik baǵdarlama aıasynda eki kún boıy taý-ken metallýrgııa kesheniniń bolashaǵyna qatysty negizgi pikirtalastar ótedi. Onda ınvestıtsııalar, tsıfrlandyrý, logıstıka jáne halyqaralyq áriptestik máseleleri talqylanady. Sarapshylar turaqty damý men salanyń transformatsııasyna nazar aýdarsa, CiDRA, Epiroc, NLT Europe, Proftec, Sandvik kompanııalary tıimdilik pen qaýipsizdikti arttyrýǵa arnalǵan praktıkalyq sheshimderin tanystyrady.
Kórme barysynda ınnovatsııalarǵa da aıryqsha kóńil bólinedi. Kcell Demo Day aıasynda IoT, 5G, jasandy ıntellekt pen kıberqaýipsizdik salasyndaǵy jańa jobalar usynylady.
Al «Kompozıt» kompanııasy tozýǵa qarsy qorǵaý tehnologııasyna arnalǵan jabyq semınar ótkizedi.
Halyqaralyq tájirıbeni Ulybrıtanııa Elshiligi men Germanııa qaýymdastyǵy usynady.
Aıta keteıik, EXPO 2025 Osaka kórmesindegi Qazaqstan pavılony mıllıonynshy meımanyn qarsy aldy.