17 qazanda kún ashyq, úsh gradýsqa deıin qatqaq bolady

Qazgıdromet sınoptıkteri 17 qazan, seısenbige arnalǵan aýa raıy boljamyn usyndy, dep habarlaıdy Kazinform.

Qazaqstannyń basym bóligi keń aýqymdy antıtsıklonnyń yqpalynda bolady. 

Sondyqtan kún ashyq, jaýyn-shashyn jaýmaıdy.

Tek eldiń batysynda atmosferalyq fronttardyń ótýine baılanysty jańbyr jaýady.

Elimizdiń batysynda, ońtústik-shyǵysynda jel kúsheıedi.

Respýblıka boıynsha túngi jáne tańerteńgi ýaqytta tuman túsedi.

Jetisý oblysynyń ortalyǵynda, taýly aýdandarynda 1-3 gradýsqa deıin úsik júredi.