17 qazanda Qazaqstannyń batysynda ǵana kún ashyq bolady
ASTANA. 16 qazan. QazAqparat - Qazaqstan Respýblıkasy Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, 17 qazanda Qazaqstannyń ortalyq, soltústik jáne ońtústik aımaqtary atmosferalyq frontaldyq bólikterdiń aýmaǵynda ornalasady, olarmen birge ońtústik jáne ońtústik-shyǵysta - jańbyr, soltústik, soltústik-shyǵys, ortalyqta - jaýyn-shashyn, ekpindi jel bolady.
Batysta ǵana jaýyn-shashynsyz, ashyq aýa raıy saqtalady.
Aqmola, Soltústik Qazaqstan, Pavlodar, Shyǵys Qazaqstan oblystarynda, kúndiz Qostanaı, Qaraǵandy, Jambyl, Qyzylorda oblystarynyń birqatar aımaqtarynda jeldiń jyldamdyǵy 15-20 m/s deıin kúsheıýi yqtımal.
Ońtústik Qazaqstan, Qostanaı oblystarynda túnde jáne tańerteń keıbir jerlerde tuman túsedi dep kútilýde. Respýblıkanyń ońtústik, ońtústik-shyǵysynda, batysy men ortalyǵynda joǵary órt qaýiptiligi saqtalady.
Aldaǵy táýlikte Shyǵys Qazaqstan oblysynyń taýly ózenderinde sý deńgeıiniń aýytqýlary kútilýde.
