17 qazan kúni ótetin mańyzdy is-sharalarǵa sholý
ASTANA,QazAqparat - «QazAqparat» halyqaralyq aqparat agenttigi 17 qazan kúni elimizde ótetin mańyzdy sharalarǵa sholýdy usynady.
Seısenbi, 17 qazan saǵat 10.00-de Úkimet úıinde Úkimet otyrysy ótedi. Kún tártibinde 2017 jyldyń 9 aıyndaǵy QR áleýmettik-ekonomıkalyq damýy men respýblıkalyq bıýdjettiń oryndalýy, 2016-2019 jyldarǵa arnalǵan bilim jáne ǵylym damýynyń memlekettik baǵdarlamasynyń oryndalýy jáne jekeshelendirýdiń júrgizý barysy qaralady. Otyrys qorytyndysy boıynsha QR Úkimetiniń baspasóz ortalyǵynda Ulttyq ekonomıka vıtse-mınıstri R. E. Dálenovtyń qatysýymen baspasóz máslıhaty ótedi.
Seısenbi, 17 qazanda saǵat 15.00-de QR Parlamenti Májilisinde «Halyq kommýnısteri» fraktsııasynyń keńeıtilgen otyrysy ótedi.
Jıynda «Aýlalardy kooperatsııalaý-ónimdilikti arttyrýdyń joly» máselesi qarastyrylady. Keńeıtilgen otyrysta «Halyq kommýnısteri» fraktsııasynyń jetekshisi Vladımır Kosarev pen Májilis tóraǵasynyń orynbasary Vladımır Bojko sóz sóıleıdi dep kútilýde. Sondaı-aq QR AShM birinshi vıtse-mınıstri Q. Aıtýǵanov, Májilistiń aýyl sharýashylyǵy máseleleri komıtetiniń múshesi A. Qońyrov Qazaq ulttyq agrarlyq ýnıversıtetiniń ekonomıka kafedrasynyń professory, e.ǵ.k Ǵ. Madıevter baıandama jasaıdy dep kútilýde.
17 qazanda saǵat 10.00-de «Qazjol» qonaq úıinde «Qazaqstandyq telearnalar kontentinde sandyq tehnologııalardy qoldaný» atty birinshi óńirlik forým ótedi. Jıynda sandyq tehnologııalar salasyndaǵy zamanaýı tendetsııalary talqylanyp, ýkraınalyq aldyńǵy qatardaǵy áriptestermen tájirbıe almasý bolady. Forým aıasynda Ulybrıtanııanyń teleradıotaratý salasyndaǵy «Thomson Foundation» kásipornynyń baǵdarlamalyq qurylym óndirisindegi basqarý modelderi men tájirbıesi oqytylatyn bolady.
17 qazanda saǵat 08.30-da Qazaqstan qutqarýshylarynyń kásibı merekesi - Qutqarýshylar kúni qarsańynda QR ІІM TJ Komıteti azamattyq qorǵanys nysandarynda BAQ ókilderi men blogerlerge baspasóz-týryn uıymdastyrady. Baspasóz týry Astana qalasyndaǵy QR ІІM TJ komıtetiniń qutqarý bólimsherlerinde bir kún boıy jalǵasady. Sapar barysynda jýrnalıster qaýymy tótenshe jaǵdaılardaǵy basqarý ortalyǵynyń, «QazAvıaqutqarý» AQ qutqarý avıatsııasymen, apatty medıtsına ortalyǵynyń, ortalyq óńirlik aeroutqyr jedel qutqarý jasaǵynyń, jáne Astana qalasynyń órt sóndirý bólimderiniń jumysymen tanysatyn bolady.
Qazan aıynyń 17-18-i kúnderi saǵat 10.00-de Astana qalasy ákimdigi, Din isteri basqarmasy men «Mádenıet beıbitshilik arqyly» halyqaralyq qaýymdastyǵynyń uıymdastyrýymen «Rýhanı jańǵyrý - damý men kelisim joly» atty halyqaralyq konferentsııa ótedi. Konferentsııa ǵylym men mádenıet qaýymdastyǵy ókilderiniń, alýan memleketterdiń memleket qaıratkerleri men dinı kóshbasshylardyń ashyq pikir almasý alańy bolmaq. Konferentsııa aıasynda Eýrazııa halqy Assambleıasynyń keńeıtilgen otyrysy, Rýhanı mádenıettiń dúnıejúzilik forým prezıdıýmynyń dóńgelek ústeli, rýhanı kelisim kúnine arnalǵan gala-kontsert, ártúrli sheberlik synyptary ótkizilip, áleýmettik jaǵynan az qamtylǵan 1 000 otbasyǵa azyq túlik jetkiziledi dep josparlanǵan.
17 qazanda saǵat 15.00-de QR Ulttyq akademııalyq kitaphanasynda (Astana q. Dostyq, 11 QHA zaly) Qazaqstan halqy Assambleıasy Tóraǵasynyń orynbasary D.Myńbaı men Polsha Respýblıkasy ákimshiligi men ІІM Memlekettik hatshysy - repatrıatsııa máselesi boıynsha Ýákili S. Hvalekpen kezedesedi.
Kezdesýge Polsha Respýblıkasynyń Qazaqstandaǵy elshisi Selım Hazbıevıch pen Polsha ІІM azamattyq jáne repatrıatsııa departamentiniń dırektory M. Zelınskıı, QHA músheleri, etnomádenı birlestik ókilderi men BAQ qyzmetkerleri qatysady.
