17 qazan kúngi aýa raıy boljamy
NUR-SULTAN. QazAqparat – 17 qazan kúni antıtsıklon jotasy respýblıkanyń basym bóligindegi aýa raıyna áli de áserin saqtaıdy. Sondyqtan kóbinese jaýyn-shashynsyz kún raıy saqtalady. Elimizdiń tek batysynda tsıklon jyrasynyń yqpalynan jańbyr kútiledi. Elimizdiń soltústigi, shyǵysynda tuman kútiledi, ońtústik aýdandarda jel kúsheıedi, ońtústik-batysta shańdy daýyl turady. QazAqparat bul týraly «Qazgıdromet» RMK-ǵa silteme jasap habarlaıdy.
Kúndiz Jambyl oblysynyń ońtústik-batysynda, soltústik-shyǵysynda jáne taýly aýdandarynda 15-20 m/s ekpinde jel soǵady. Kúshi 23 m/s kúsheıedi.
Kúndiz Qyzylorda oblysynyń ortalyǵynda, Mańǵystaý oblysynyń ońtústik-shyǵysynda jel 15-20 m/s artady. Mańǵystaý oblysynda sondaı-aq shańdy daýyl turady.
Qostanaı oblysynyń soltústiginde, Soltústik Qazaqstan oblysynyń batysynda, shyǵysynda, Shyǵys Kazaqstan oblysynyń batysynda, soltústiginde, túnde Pavlodar oblysynyń soltústiginde, túnde jáne tańerteń Aqmola oblysynyń ońtústik-shyǵysynda tuman kútiledi.
